霸嗎拉麵 (金巴利道)

营业中

休息中

雖然開咗好耐但都未試過，朋友都介紹過幾次，今日終於去咗食。 我地兩個人叫咗一個豚肉拉麵一個雞叉燒。 個人對佢既豚肉幾大期望因為佢店外既圖實在太吸引 哈哈！佢呢到既麵比出面一般拉麵店有咬口，係幼麵，湯底唔會太鹹，豚肉叉燒好香，因為我本身鐘意肥既所以佢呢到既叉燒啱哂我，雖然得一塊，但係比較厚身，份量都算適中。但比較有驚喜係個雞叉燒拉麵，叉燒雖然比較普通，但個湯意外地香而好有雞味，不過呢個湯比豚肉個湯油，唔太鐘意油既朋友要注意。不過有一個地方好失望，係隻蛋，味道太淡，蛋白係白色，明顯見到制作時間不足，而且蛋黃煮熟咗一半，建議可以唔使加蛋 平5蚊。好既地方係呢到無加一，抵食！