影片
更多
2025-04-05
972 浏览
今日落雨涼涼地，忽然好想打邊爐，就揀左呢間台灣一年銷售900萬鍋的火鍋品牌，係海外首店在香港台式半自助火鍋店 - 築間幸福鍋物，食晏晝火鍋任食放題。門口睇左menu之後，因為想食靚啲嘅肉，我地揀左極奢套餐，今日係星期六，所以每位$319加一。套餐附湯底＋主食＋任食33款蔬食自助吧100分鐘、飲料、甜點。湯底坐低之後就揀湯底，我地要左日式柴魚干貝清湯同老火淬濃雞湯。干貝清湯飲落好清甜，打邊爐落靚肉最啱，個湯裡面仲有好多小元貝粒。而個雞湯就有啲似中式老火湯，飲落好香濃好足料，個湯入面見到好多雞腿肉同蘑菇做配料。肉類牛肉方面，我地點左澳洲黑毛和牛霜降，冷藏手切溫體牛同美國熟成霜降牛，牛肉平均質素唔錯，食落都有牛味唔嚡口，我地推介係澳洲黑毛和牛霜降，佢表面油花好靚，每一塊切得厚薄剛剛好，淥幾秒就食得，我地都encore左1次。豬肉方面就試左伊比利黑豬梅花同嚴選梅花豬，兩款豬肉食落口感有嚼勁，脂肪適中，最緊要係食唔到豬騷味。仲有估唔到嘅驚喜係碟走地雞，成碟都係雞腿肉，食落冇雪藏味，同埋肉質好有彈性，淥耐左都唔嚡口。海鮮海鮮方面，我地點左三文魚片，鮮魷魚同龍躉石斑魚片。而我地最推介就係龍躉石斑魚片
門口睇左menu之後，因為想食靚啲嘅肉，我地揀左極奢套餐，今日係星期六，所以每位$319加一。套餐附湯底＋主食＋任食33款蔬食自助吧100分鐘、飲料、甜點。
湯底
坐低之後就揀湯底，我地要左日式柴魚干貝清湯同老火淬濃雞湯。干貝清湯飲落好清甜，打邊爐落靚肉最啱，個湯裡面仲有好多小元貝粒。而個雞湯就有啲似中式老火湯，飲落好香濃好足料，個湯入面見到好多雞腿肉同蘑菇做配料。
肉類
牛肉方面，我地點左澳洲黑毛和牛霜降，冷藏手切溫體牛同美國熟成霜降牛，牛肉平均質素唔錯，食落都有牛味唔嚡口，我地推介係澳洲黑毛和牛霜降，佢表面油花好靚，每一塊切得厚薄剛剛好，淥幾秒就食得，我地都encore左1次。
豬肉方面就試左伊比利黑豬梅花同嚴選梅花豬，兩款豬肉食落口感有嚼勁，脂肪適中，最緊要係食唔到豬騷味。
仲有估唔到嘅驚喜係碟走地雞，成碟都係雞腿肉，食落冇雪藏味，同埋肉質好有彈性，淥耐左都唔嚡口。
海鮮
海鮮方面，我地點左三文魚片，鮮魷魚同龍躉石斑魚片。而我地最推介就係龍躉石斑魚片，相信喺啲火鍋放題餐廳唔係咁多機會有呢款魚片選擇，口感結實爽脆，唔係一般魚片可以媲美。
蔬菜/麵類
呢度嘅蔬菜麵類係自助形式，有好多新鮮蔬菜，丸類俾你隨便拎，最特別係有一大碗蝦滑俾你自己𢳂落碟，而個蝦滑食落都好彈牙。而麵類方面就有王子麵同包裝粉絲俾你拎，王子麵食落似有咬口啲嘅福麵，我地都覺得同今次嘅湯底好夾。
飲品
我地點左鳳梨冰茶，冬瓜檸檬同阿里山冷泡烏龍茶。我地覺得呢3款飲品都好啱飲，飲完覺得好解膩，而個鳳梨冰茶就最推介，佢入面有粒粒菠蘿肉，口感豐富。
甜品
我地點左焦糖布蕾同芒果奶酪，兩款甜品都唔死甜，個芒果奶酪口感似食布甸，食落非常幼滑。焦糖布蕾面頭好香焦糖味，蛋香好夠。
张贴
