阿木台灣麵 (豉油街) (已搬遷) 新店位置

🍅蕃茄牛肉麵（片切）碗麵一放低聞到好香嘅蕃茄味直衝入鼻哥！超中意蕃茄湯底嘅我就梗係即刻飲啖試吓先。哇！啲蕃茄湯又濃又杰，好正！平時出去食開牛肉麵，啲牛肉全部都切到薄薄的，呢間係非常厚切，咬落去好有肉質，啱晒我呢啲食肉獸。🍳蚵仔酥以小食嚟講份量好多，蠔仔嘅大細啱啱好，可以一啖入口。芝士玉米蛋餅餡料絕對唔孤寒，咬落去全部都有芝士同粟米，放入口嘅時候絕對有種好滿足嘅感覺！蛋餅唔會好鹹，完全食到芝士嘅鹹香同雞蛋嘅蛋香。🌶️不得不提佢地嘅自家製麻辣醬超好味，唔辣，小小麻，好鬼死香！🥤芝士岩鹽奶蓋炭燒烏龍茶雖然我叫咗走冰走甜，杯嘢飲都依然係凍嘅，好用心！啱晒我呢啲唔鍾意飲凍嘢，但係夏天又冇辦法飲熱嘢嘅人。奶蓋打得10分綿，令到烏龍茶入口時非常順滑，但係烏龍茶嘅味道一樣咁出。屋企人就嗌咗杯芝士岩鹽奶蓋青茶，正常嘅冰底同正常甜度底下，就真係有種好傳統嘅台灣味道。