Mata Japanese Cuisine

营业中

休息中

星期六係荔枝角做完嘢，朋友帶咗我去長沙灣廣場搵食。餐廳內部裝潢格調溫馨舒服，適合放工嚟飲嘢傾偈。餐牌好多選擇，好多特色crossover菜式，而且價格親民。菊花茶&柚子醋漬蘿蔔&枝豆蘿蔔好清爽，酸酸甜甜好開胃。枝豆味道好特別，細嚐之下發現有沙薑味。雞皮餃子餃子皮係雞皮，炸完之後雞皮好香脆，餃子餡係雞肉碎，外脆內軟好好食，用嚟餸酒一定好正。鱈魚片鱈魚片睇嚟平平無奇，入口即刻發現佢好脆，脆到似唔使用力咬咁，味道同沙律醬好爽，冇諗過鱈魚片可以咁好食。大蔥雞肉串朋友好喜歡大蔥雞肉串，大蔥夠爽脆清甜，雞肉嫩滑有雞味。南瓜意大利粉原來南瓜配意大利粉好好食，兩種食材味道好夾，南瓜味好出眾，感覺好清新好健康，好適合喜歡清淡或者素食者。Mocktail - 富士山 & Cappuccino Cappuccino味道正常發揮。富士山Mocktail顏色好靚，夏天見到都覺得清涼。花生酥朋友係花生控，見到花生酥就想食，呢個花生酥都唔錯，酥化入口即溶，花生味濃郁，朋友大讚。