天天海南雞飯 (新城市廣場三期)

营业中

休息中

1) 假期無套餐，明既…不過等位時門口位姐姐又俾套餐牌我地睇定，入座之後先話假期唔做套餐……玩我咩……跟住開口埋口用餐一小時，我地又要重頭睇過餐，扣分。2) 跟住發現假期有個2人餐有得叫，餐飲未揀好就叫佢地落左單先啦，之後揀到餐飲，最後埋單竟然將我兩杯餐飲當左散叫，仲查都未查好大聲咁話我地前後叫左4杯野…態度加混亂，扣分。3) 太太叫野飲果陣都聽到佢問有無熱飲唔要凍，叫左一款熱飲之後竟然黎左杯凍飲，咁就即時換啦，點知送黎果位服務員話今日太忙做唔切熱飲，聽完真係無限O咀……最後堅持之下，都係換返俾我地4) 成間鋪頭都好熱，擺明無開冷氣，令我諗起星爺係"食神"裡面果返說話5) 不過最後要讚既係d雞味道唔錯，好食。總括黎講係服務員水準有待改善，以佢呢個收費完全唔合格。