九爺牛腩 (新聲大廈)

营业中

休息中

平時間唔中都會想食吓啲簡單嘅粉麵做一餐。係I Square 後面漢口道有一間新開潮洲牛腩粉麵餐廳。見到幾四正就入去試一試。見佢哋嘅必食推介係崩沙腩河就即刻叫返一碗試吓佢。雖然$50，但份量都幾大碗，成片牛腩工工整整咁切開咗9件，湯都唔會死咸。想咸啲可以加傳統嘅魚露提味。另外又叫咗一碗雲吞，$40 六粒仲有菜底，雲吞蝦同肉嘅比例合適，仲有大地魚粉嘅味道。炸墨魚丸都唔錯，如果想試曬所有料仲可以叫招牌八寶河添。