九爺牛腩 (新聲大廈)

营业中

休息中

成年冇食九爺牛腩👴🏻今日經過俾牛腩香氣吸引, 入去食返碗牛腩粉😙🌟主打崩沙腩及其他牛的特別部位, e.g. 牛沙瓜🐮另有多款港式粉麵🥢, 飯類和小食等🔸招牌雙沙河  $70  6.5/10🔍雙沙 = 崩沙腩+ 牛沙瓜😳第一次食牛沙瓜, 原來係牛的第4個胃🐄牛雜中較為罕有的部位💥, 香騷帶嚼勁崩沙腩肥瘦均勻, 香濃肉味😋仲連住少少筋膜位, 正🥳~🔸原汁牛腩米粉  $46  6.5/10 +$10  雙併牛筋牛腩比崩沙腩的油脂冇咁多肉質軟腍, 都好有肉香😚🥢米粉份量好多, 係硬身type 🔸油菜🥬  +$12🔸麻辣墨魚鬚(細)  $56  5/10🦑份量不大, 價錢略貴💰白烚後加麻辣油, 不夠香辣惹味🥴墨魚鬚不太新鮮, 口感偏淋🤔

🐷招牌雙沙河 雙沙河粉滑身，🐮湯底清得來又有濃濃嘅肉香味，崩沙腩肥瘦均勻，入口即化，🐮牛味十足，呢個價錢嚟講份量都唔少。💕🐷牛魔王河 😂選擇困難症又樣樣都想試吓嘅絕對可以叫呢個試吓，除咗有牛腩之外，🐮仲有牛肚牛筋唔同部位，全部都好腍好入味，一碗入邊河粉同埋餸嘅份量都好多，食完絕對夠晒滿足。🐷炸魚皮 😋香脆嘅炸魚皮用嚟浸落去熱辣辣又濃郁嘅湯底非常香口。🐟九爺牛腩 📍尖沙咀漢口道17號新聲大廈地下F及G號

去尖沙咀真係有唔少粉麵檔可以選擇，不過呢間就特別啲，除左一般既粉麵之外仲有得食茶餐廳既下午茶餐或者常餐，多士等等，岩哂同啲朋友過嚟揀自己中意既食物款式。之前仲會食牛既時候都有食過呢間，啲牛腩真係好出色，特別係牛魔王就乜都有得試，不過就算依家唔食牛，今日黎到都仲有好多選擇，基本上你想要既配搭都會有，全部可以自己揀自己搭。🐒手撕雞(麻辣)河💰$44👉🏻轉魚麵+$14👉🏻加油菜加$12👉🏻凍檸茶+$8🐒麻辣墨魚鬚(細)💰$56如果中意食爽彈既一定要試下個魚麵，並唔係到到地方都有，好得意，感覺就係食緊一條條既魚蛋，而佢地既小食墨魚鬚都好軟熟，同我想像中唔同，並唔會好硬好難咬，而且個調味都真係幾唔錯👍🏼

九爺牛腩位於尖沙咀平民港式美食！價錢實在只需人均50👅 本身想叫崩沙腩🥢來到有點晚已經賣晒！唯有下次牛腩麵⭐️牛腩腍軟入味配上彈牙面底好有咬口！湯底更有濃郁牛腩汁香紫菜四寶河⭐️紫菜配上手打彈牙丸類、魚皮餃等等材料配上滑嫩河粉淨雲吞⭐️豬肉同鮮蝦做餡夠足料、雲吞皮夠薄叫左碟腩汁菜心同兩杯飲品凍檸茶、凍檸水不收加一,來開尖沙咀想食返碗粉麵可以來九爺牛腩 好抵食📍尖沙咀漢口道17號新聲大廈地下F及G號舖

今日節日個個去酒樓飲茶， 我便難得安靜下想找間麵店，在尖沙咀環境有卡位及圓枱，企理又舒服金錢肚麵湯底味道香濃油香，金錢肚軟腍，份量適中，幼麵麵香口有口感紫菜四寶河有齊魚皮餃、魚蛋貢丸紫菜滿足哂朋友口胃呀淨墨魚丸粒粒大大粒，足料彈牙加$12 仲有油菜，我們覺得是平靚正！不過加$8 先有熱飲。 我哋點檸檬水可能貴啲但因最近食得太多熱氣野想飲杯檸檬水呢😆📍 九爺牛腩地址：尖沙咀漢口道17號新聲大廈地下F及G號舖

今日跟朋友行尖沙咀海旁，行完後到附近地方找食店，看到這粉麵店價錢便宜，我們便在這裏進食晚餐。這裏的店員親切友善，能操流利的廣東話和普通話。這店每一天都有不同的特價粉面餐，只需$56便有一碗粉、一碟菜及一杯飲品。價錢十分便宜。崩沙腩河（$60）這崩沙腩筋肉參半，口感軟腍，而且彈牙。河粉幼滑，湯底香濃。加點辣椒油，更加美味。牛腩河（$46）牛腩河比崩沙腩更便宜，牛腩肉質軟腍。淨雲吞（$46）雲吞皮薄餡靚，以豬肉和鮮蝦製成。湯底清香，還配以生菜，十分豐富。粉面套餐優惠：油菜$12/ 飲品$8不用加一，可以用多種電子支付

喺尖沙咀嚟咗呢間港式粉麵店食個 late lunch 🤣餐廳名字有「牛腩」兩個字咁就梗係要食牛腩啦🤣，$70「招牌雙沙麵」𨍭「伊麵（+$8）」：「雙沙」係「招牌牛沙瓜」同埋「崩沙牛腩」🤣；「牛沙瓜」軟熟得嚟有少少爽口兼好好牛肉味🤣；「崩沙牛腩」肥瘦適中肉質軟熟兼亦都有濃郁牛味😋；「伊麵」有啲啲煙韌好味道🤣加 $12「郊外油菜」：油菜 揀咗「腐乳通菜」，「通菜」夠新鮮又爽脆，同有鹹香嘅腐乳醬一齊食相當夾😋$104「沙薑手撕雞」：呢個係「淨食手撕雞」，成碟「手撕雞」拆晒骨，啖啖肉食得非常之方便，手撕雞雞肉肉質軟熟，撈咗適量嘅沙薑醬咁樣就更加惹味🤣跟麵加 $8「熱奶茶」：大大一杯夠濃郁夠滑😋

九爺牛腩．抵食牛牛專家朋友推介去食牛腩專門店——九爺牛腩！講真，尖沙咀呢頭餐廳林立，但係要搵到一間真材實料、價錢又合理嘅牛腩店真係唔容易。九爺質素唔錯，尤其係佢哋嘅「牛魔王河粉」，真係食到唔停口！牛魔王河粉：牛癡必試！一上枱，成碗河粉鋪滿咗牛腩、牛筋、牛肚、牛膀、牛肺同牛腸，真係足料到呢！牛腩燜到超級林，入口即化，肉味濃郁得嚟又唔會太鹹，係用咗心機去炆。牛筋膠質豐富，咬落去彈牙得嚟又唔會韌，正！牛肚同牛腸清洗得好乾淨，完全冇異味，吸晒湯汁精華，每一啖都係享受。最驚喜係牛膀，平時好少食，但九爺處理得好好，粉嫩得嚟冇腥味，絕對係誠意之作！鮮蝦雲吞麵：傳統風味除咗牛腩，我仲試咗佢哋嘅鮮蝦雲吞麵。雲吞大大粒，皮薄餡靚，入面嘅蝦肉爽口彈牙，仲有少少豬肉同筍粒增加口感，鮮味十足！麵條爽口，湯底係大地魚湯，清甜唔油膩。小食篇：腐乳通菜＋炸雲吞腐乳通菜炒得夠鑊氣，菜莖爽脆，腐乳醬香濃但唔會過鹹，送飯一流！炸雲吞亦係驚喜之作，外皮炸到金黃酥脆，一咬即碎，入面嘅蝦肉餡依然juicy，點埋甜酸醬食，真係停唔到口！飲品：懷舊風味食濃味嘢緊係要配返杯懷舊飲品！杏仁霜香滑濃郁，杏仁味突出但又唔會太假，飲落好舒服。

今日去咗尖沙咀嘅九爺牛腩食飯，整體感覺幾好，值得推薦！餐廳環境乾淨企理，座位都算寬敞，坐得舒服。我哋點咗幾樣嘢食，首先係牛腩牛筋麵，牛腩同牛筋好軟熟，香氣十足，好入味，另外仲加錢要左個腩汁菜心，浸個汁食味道幾好，值得一試。黃沙豬潤撈麵啲豬潤煮得剛剛好，唔會過老，口感嫩滑，好正！另外加咗個炸雲吞同香茅雞翼都幾出色。炸雞吞外皮酥脆，內裡肉質嫩滑，香茅雞翼香茅味濃郁，雞翼煎得香口，食落好惹味。飲品方面，我哋叫咗凍檸茶同紅豆冰。凍檸茶茶味夠濃，檸檬清香，飲落好清爽。紅豆冰嘅紅豆煮得夠淋，甜度適中，飲落好解渴。總括嚟講，今餐食得好滿足，食物質素高，價錢合理，服務態度都唔錯。下次有機會會再嚟試吓其他菜式！

首先，我叫咗個八寶麵轉魚麵！一上枱，嘩！真係名副其實八寶！😮 有牛腩、牛肚、牛筋、魚蛋、香菇貢丸、牛丸、魚餃等等，真係多到數唔晒！🤩 每款餸都炆得入味，牛腩鬆化，牛肚爽口，牛筋彈牙，真係好滿足！😋 重點係個魚麵！真係估唔到咁彈牙！口感真係好似食緊麵形嘅魚蛋咁，好特別！👍🏻 成碗麵嘅配搭真係好豐富，食完好飽肚！跟住就係牛腩河🍜🐮。雖然只係簡簡單單嘅牛腩河，但係味道一啲都唔簡單！牛腩炆得鬆化入味🤤 湯底亦都好出色，清甜而不油膩，帶有淡淡嘅牛腩香味，飲完好舒服！😌 河粉滑溜溜，吸晒湯汁嘅精華，真係好正！

位於尖沙咀呢間主打食牛嘅粉麵店真係好有驚喜！難怪翻枱率咁高，晚市好旺場。❤️招牌雙沙河沙嗲加沙茶醬雙重夾擊，河粉滑溜溜，醬汁濃得嚟又唔會太膩，肉質嫩口，食落去好有南洋風味，正！❤️牛魔王河就更加抵讚，牛腩、牛筋、牛肚樣樣齊，湯底清甜，牛腩燜到好淋，牛筋彈牙，牛肚爽口，成碗都好足料，牛魔王粉絲一定唔可以錯過！❤️香茅雞翼外皮炸到脆卜卜，咬落去仲好juicy，香茅味好出，食完一隻仲想再encore！呢間舖頭價錢平民，份量夠大，絕對係街坊至愛，行過一定要試吓！

尋晚同同事 OT 放工後，喺尖沙咀漢口道樓下搵嘢食，揀咗出名嘅「九爺牛腩」！🍜 聽講佢哋嘅牛腩河好出名，梗係要試下啦！牛魔王河（轉麵底） 🐂🍜 一上枱就見到一大碗，份量超足！😍 入面包咗牛腩、牛筋、牛膀、牛肺、牛肚、牛腸，真係啖啖都係牛，啱晒鍾意牛嘅朋友！ - 牛腩煮得好腍，入晒味，油香而唔膩； - 牛筋煮到啱啱好，軟稔稔但又有少少彈牙； - 牛膀 牛腸 牛肺同牛肚煮得乾淨冇腥味，加埋湯底嘅香料味，真係一流！ 轉咗麵底，麵條吸晒牛腩湯嘅精華，食落好滑溜，啱晒鍾意麵條嘅我！🍜✨原汁牛腩河拼牛筋 🐮🍲 呢個就係另一款經典推介，牛腩同牛筋煮得一樣出色，湯底濃郁但唔會太鹹，食完都唔會覺得口乾，真係好滿意！炸墨魚丸（小食） 🦑🍡 墨魚丸炸得外皮脆卜卜，咬開入面仲見到啲墨魚粒，口感彈牙又鮮味，絕對係小食嘅好選擇！腐乳通菜（加配油菜） 🥬 用咗優惠加配嘅，完全唔會失望！腐乳味濃郁，配埋牛腩河一齊食，絕對係好平衡嘅配搭！飲品：凍菜蜜 & 凍利賓納 🍹 - 凍菜蜜清甜解膩，食完牛腩湯之後飲一啖，真係好舒服； - 凍利賓納帶微微嘅酸味，啱晒鍾意清新飲品嘅人！ 九爺牛腩份量大，價錢合理

呢日嚟咗呢間喺尖沙咀嘅粉麵店諗住食個簡簡單單嘅港式牛腩麵作為午餐🤣首先叫咗個 $68 「崩沙牛腩伊麵」：「崩沙牛腩」好牛味兼且肉質軟熟炆煮得好腍😋；伊麵份量有好多又煙煙韌韌幾彈牙🤣跟麵加 $12「郊外油菜」：揀咗「蠔油菜心」，「菜心」夠新鮮簡單幾好食😋跟麵「熱奶茶」：夠濃郁夠滑😋仲叫咗 $104「沙薑手撕雞」：呢個係「淨食」，成碟「手撕雞」拆晒骨啖啖肉食得相當方便，手撕雞雞肉肉質都係軟熟，撈咗啲薑醬咁樣就更加惹味🤣

九爺（尖沙咀)位於九龍尖沙咀漢口道17號新聲大廈地下,餐廳裝修簡約以木係為主調,牆身掛有食物圖片,餐廳主打港式粉麵,招牌菜以崩沙牛腩最出色,還有其他西式小食三文治供應,服務員招呼熱誠有禮。崩沙腩米線崩沙腩餐廳招牌菜之一,配有莞茜蔥,湯底清甜,崩沙腩係牛腩中最靚部位,食落甘香腍滑,米線軟硬適中,每條米你都掛滿牛腩汁,飲品有凍檸樂。皇牌牛四寶飯牛四寶有牛腩,牛筋,牛肚,牛脷,配有生菜,牛四寶與飯分碗上,牛四寶夠入味,口感腍滑,牛筋有骨膠原口感,飲品有熱檸水。三文治餐雞蛋牛肉三文治要烘底,餐廳選用免治鹹牛肉,有鹹香味,煎蛋有蛋香味,包身烘過有口感。

行到鋪頭未入門口，牛腩香氣已經攻陷鼻哥👃！鎮店之寶「崩沙腩」肥瘦紋理靚到分明，牛味濃得嚟唔騷，咬落筋膜位帶啲爽，腩肉燜到鬆化又唔散，正！鮮蝦雲吞係驚喜位🌟，皮薄到透光，入面原隻鮮蝦🦐🦐🦐蝦夠彈牙，仲有少少豬肉吊味，簡單配清湯已經夠鮮👍🏻👍🏻👍🏻平日下晝1點幾爆晒場👥，搭枱係指定動作，但伙記手腳快👨🍳，等幾分鐘就有得食🤤🤤🤤想避人龍嘅話，最好晏晝12點前嚟，會少人啲😉