癡膠雞 (軒尼詩道)

营业中

休息中

經過見到呢間雞湯米湯個店名幾有趣，比佢吸引左入黎食。雞湯米線既湯底都有好幾款，好多都好吸引!椰子雞湯米線晚市可以選擇跟爐上，唔怕食食下碗米線好快凍，Keep得住熱辣辣。而且店員會留意幾時幫手拎走個爐，感覺好貼心。椰子味好濃郁清甜，唔會話好油，仲有椰子片，湯底食落有少少奶香。雞件份量好多，而且好滑身。食食下唔覺唔覺都就黎飲曬佢個湯，而且飲完又唔會好口乾。胡椒豬肚雞米線胡椒味好突出，入口有少少辣味，飲完暖笠笠。豬肚冇怪味，而且好大件。米線索曬湯，好好食。米線份量整頭都好多，食完好飽，呢個價錢幾抵食。金磚豆腐呢個必叫! 好好食~ 外層超脆口，係有D椒鹽味，中間豆腐好軟滑，越食越上癮。