讚好台灣

营业中

休息中

紅磡不嬲都係美食最集中嘅地區，中西日韓台泰美食集中地。呢晚忽然想食台灣嘢，就上OpenRice search下啦，就搵到呢間幾多好評嘅台式料理。當晚我地去到，見外面冇乜人排隊，但係裡面就幾乎坐滿曬人。嗰陣唔記得係咪四人限聚，都係都坐得幾逼下。我地點咗鹵肉鹽酥雞飯同埋番茄湯吉列豬扒湯麵，男朋友知我最鍾意食豆腐，就點咗個魚酥皮蛋豆腐俾我，再加個五味小茄子。兩個小食都好好味，反而鹽酥雞唔夠熱同脆，粉漿有點兒厚，不夠水準。飯同麵就一般，冇期望就唔會失望。