薔紅

营业中

休息中

係灣仔做野嘅，相信都一定食過薔紅。每逢下午繁忙時段，基本上都要係門口排15-20分鐘先入到去食。（入面空間好大，好多位，粗略估計至少坐到200人，連埋房）今次我同朋友夜晚去到食。薔紅晚市小菜價格合理，味道不錯。不過我地今次得3個人黎，所以散叫餐。佢嘅晚市扒餐真係好抵食，雜扒飯48蚊，仲有其他扒類、燒排骨都係介乎$4x-$6x之間。我叫左個燒春雞配薯菜，燒春雞皮超香超脆，雞肉好嫩，又保留到肉汁，再點埋佢嘅甜酸醬或者椒鹽，味道一流。不過食完個餐會好口渴，同feel到超級熱氣，間唔中食一次半次就真係好滋味！