星海薈 (利舞臺廣場)

营业中

休息中

利舞臺廣場有間酒樓，裝潢華麗，設有舞台同靚靚打卡樓梯位置，仲有乾花佈置，適合宴會。食物方面主打多款經典粵菜，即叫即整，賣相一流，味道高質，值得一試。餐廳最近推出一系列套餐同優惠，以親民價品嚐到高級料理。必點之選有招牌白胡椒蟹焗飯，將白胡椒醬淋上，咋咋聲，香氣四溢，蟹肉鮮甜，飯粒粒分明，帶微微焦香，色香味俱全，份量十足，四個人都夠食。瓦𦉘豉油雞原隻上，大大件，啖啖肉，豉油味唔算好濃，比想像中清，老少咸宜。奇味芥未沙律大蝦球同樣出色，勝在醬汁夠多，沾滿每一粒大蝦球，非常開胃，外層薄身，肉質彈牙，真材實料。大丁涼瓜效掌翼比較少見，涼瓜好大一片，味道甘甜唔苦，掌翼夠入味，唔會過鹹，非試不可，整體性價比高，會回訪。