星海薈 (利舞臺廣場)

适逢中秋又重阳又盛，年尾零舍多屋企饭要食，呢间嘅节日套餐都好得，应酬到屋企人又不失美味，仲有条好grand嘅楼梯，俾港剧迷嘅长辈大大过吓电视剧瘾打吓卡秋意开始起，主角当然系大闸蟹，套餐都有好多选择，首先由冰镇南非八头鲜鲍鱼打头阵，仙气飘飘，幽幽酒香，冰鲜弹牙之后就嚟料，两只约五両重嘅紫苏蒸大闸蟹就登场，蟹公都有好多金黄嘅膏同蟹精捞埋一齐食，膏香满口，齿颊留连食翅就成日听，连蟹黄烩生翅点都要食一次，啖啖鲜浓金黄，啖啖有蟹有翅捞菜食都好特别，生拆蟹肉云腿扒豆苗既有鲜香又有咸香除咗蟹，招牌原只脆皮皇子鸽都有喺套餐内，用刀一切外皮嗦嗦声，肉香满满蟹粉小笼包劲大只，成只笼咁大，要小心咁食，真系啖啖肉会咇汤食蟹怕寒，套餐有甜品作结又有得驱风，够姜汁九层糕好够姜，口感好绵弹。黑糖姜茶更加姜，好够辣但好暖胃另外嗌陈皮烧鹅伴陈村粉，都系呢度嘅招牌菜，有例牌嘅烧鹅放喺陈村粉上，吸尽鹅汁精华，鹅肉香喷喷又外脆内嫩，加$128意大利莫利塞（Molise）嘅Yara Rosso Molise红酒，全Montcpulciano葡萄酿制，衬配呢味𩠌超夹秋夏更替，食吓蟹肉扒山水豆腐花，川香惹味不失山水柔情，滑溜无比胜瓜酿虾滑摆盘好有意境，瓜嘅爽口同虾嘅爽弹，加上百花打芡，双重享受。茶水有好多茶种选择，连龙井都有，消滞真系一流。今次餐前小食系花生，烘得啱啱好，body够晒爽脆嚟紧冬至过年都唔使烦揾地方拣咩餐，老铜分店有限定鲍鱼盛宴，下次嗌佢，位位都有鲍鱼鹅掌，唔使嗌交。仲有盆菜外卖或者自取，屋企团年饭都可以加料…查看更多

星海荟，位于铜锣湾，搭䢂上到黎，装修华丽到爆🫨有靓楼梯、大台、靓灯饰同唔同既包厢，好夸张😎真系咩周年聚餐、婚宴摆酒乜都啱，够晒Grand👍🏻餐牌既特色小菜都好吸引，仲有夏天Menu，非常吸睛，饮枝大啤开餐！😆 招牌白胡椒肉蟹焗饭🦀超大煲，上枱非常之有胡椒香，蟹好大只🥹好多旧蟹件，即刻试味，白胡椒酱汁包匀成旧蟹，蟹肉好入味😍只肉蟹冇得输，真系啖啖肉😋加埋个饭底仲有饭焦添，为重口味既你仲准备咗白胡椒酱，如果唔够味可以加👍🏻非常高质抵食💕滋味芥末虾球🦐大大只鲜虾，非常爽身脆口，加埋有芥末嘅沙律酱食，鲜味得来又滋味😇 远年陈皮脆皮烧鹅伴陈村粉🍗例牌都好大份，烧鹅肉嫩多汁🤤好香口、好浓味👍🏻最出色系个酱汁，难怪会配埋陈村粉，吸晒啲鹅汁好正🙌🏻杜阮凉瓜炒海斑球，凉瓜非常爽身，海斑球货真价实，咬落有口感😌份量好足，味道好好，好高质嘅炒斑片🥳 场地靓到咁，食物咁高质素，价钱仲相当合理🤩太吸引了吧🤪留个联络俾大家Book位！🫶🏻…查看更多

招牌精致雀笼点心 ($198) - 打卡之王，抵食指数爆灯！一上枱，成个港女酒店High Tea嘅鸟笼咁，劲浮夸！相机食先！入面有齐六款点心：虾饺：皮薄虾爽，合格以上；蟹籽烧卖王：啖啖肉，蟹籽卜卜脆，好食！鸡粒鲍鱼酥：几得意，酥皮松化，上面粒鲍鱼仔唔算好突出但够晒睇头；天鹅酥：真系靓到唔舍得食，入面系芋蓉，香口但略油；带子凤眼饺：几鲜甜，卖相精致；趣致南瓜球：外脆内软，南瓜味自然。$198食到咁多款，仲要款款都上得镜，真系抵到烂啦！打卡同饱肚一次过满足！.XO酱炒肠粉 (煲) - 声效满分，口感扣分！上台𠮶阵「滋滋」声，烟雾弥漫，成个气氛组组长咁，闻到XO酱香已经流口水！可惜... 肠粉炒得过头，软淋淋冇咩咬口，完全冇咗肠粉应有嘅烟韧，得个咸香同辣味撑场，有啲失望。.迷你虾干珍珠鸡 (2件) - 细件但足料！真系「迷你」size，两口一件。但胜在够足料！糯米软糯入味，虾干同冬菇嘅香味好出，啖啖都食到馅料，冇偷工减料，味道传统好食。.招牌胡椒浓鸡汤灌汤饺 - 汤饺够巨，胡椒失踪，仲穿底！真系大大只灌汤饺，睇落好有气势。汤底话胡椒浓鸡汤... 但胡椒味淡到几乎隐形，得个「鸡」字。汤饺皮薄系薄，但薄到一夹就穿！汤同馅泻到成碗都系，狼狈到呢... 馅料系唔错嘅，但整体扣晒分。.南翔小笼包：竟然有自己嘅小竹盘宫殿，下面仲用甘笋片垫住。夹起上嚟真系唔易穿皮，呢个设计抵赞！皮薄汤多，馅料鲜味.星海荟最大卖点肯定系个雀笼点心：抵食又呃到like，点心整体质素OK。其他散叫有惊喜（珍珠鸡）亦有伏位（肠粉太淋、灌汤饺穿底）。小笼包出场最浮夸！想同朋友影相打卡兼食点心，个雀笼真系必叫…查看更多

今次嚟到星海荟食Lunch，专登黎吓佢哋嘅中式点心，果然冇令我失望。手工制作，每一款都系真实材料。餐厅环境光猛整洁，座位都几宽敞，同朋友倾偈食嘢好舒服。餐厅装修亦都好华丽，尤其是个楼梯位，真系好打卡able。- 精致雀笼点心卖相真系好精致，雀笼造型好有心思，点心款式多样，分别有虾饺、烧卖、饱鱼酥、天鹅酥、凤眼饺、南瓜球，每款都细细件，可以试到唔同口味。特别钟意天鹅酥同南瓜球，天鹅酥入面系萝卜丝，食落清甜好有口感，而南瓜球入面更加系我最爱嘅奶黄馅，南瓜同奶黄真系好夹，食落甜甜地。- 南翔小笼包小笼包皮薄多汁，一咬开入面唧汤汁就爆晒出黎，鲜甜得嚟又唔油腻，就甘食已经好正，点埋醋更加鲜味。 -XO酱炒肠粉（煲）绝对系今餐嘅MVP，肠粉炒得够镬气，XO酱香辣惹味，仲有啲虾米同瑶柱碎，味道好丰富好有层次，而肠粉口感亦都好滑溜，口感味道都好出色，正。- 迷你虾干珍珠鸡（2件）珍珠鸡细细件，但馅料一啲都唔少。糯米软糯，入面有虾干、鸡肉同冬菇，味道非常香浓。 - 招牌胡椒浓鸡汤灌汤饺汤饺皮薄馅靓，咬开之后，入面浓郁嘅胡椒鸡汤流晒出嚟，饮落好暖胃。汤底胡椒味突出但唔会太辣，鸡肉馅鲜嫩，好有层次。 -…查看更多

妈咪钟意食蟹，约咗佢食饭特登揾呢一间有蟹食嘅酒楼，而且做特价，几抵食。去到酒楼见到环境都唔错㖞，一入门口就见到有条靓靓花楼梯同埋水晶灯，好适合婚宴摆酒。招牌白胡椒蟹炆饭 $368呢个做特价好抵食，白胡椒蟹几大只，蟹钳真系啖啖肉。蟹肉鲜甜嫩滑，配上白胡椒汁惹味得来又唔会抢咗蟹嘅鲜味，妈咪食得好满意。店员仲会另外俾一碟白胡椒汁，客人可以根据自己喜好添加。饭底都好好食，吸收晒酱汁嘅精华，用瓦煲上好传热，饭喺锅上面炒得粒粒分明，锅底仲有少少饭焦脆脆，捞匀一齐食口感好好。远年陈皮脆皮烧鹅伴陈村粉 $168我哋叫咗个例牌，份量都好足。烧鹅微热，烧鹅皮保持少少脆，油香丰富，肉质都唔会干柴，最特别系垫底嘅陈村粉，吸收晒烧鹅汁精华，好好味。滋味芥末虾球 $148大大只虾球新鲜爽脆，啖啖肉，配上嘅芥末沙律杂果感觉清新，成个𩠌爽口清新，好啱夏天食。蚝皇烩安格斯牛肉球 $168呢个𩠌有啲似狮子球，不过系牛肉版。狮子头就成日食，呢个牛肉球就真系第一次食。安格斯牛肉牛味香浓，带有少少油脂香，口感少少扎实爽弹，加上里边有一啲爽口牛筋粒同埋马蹄，口感丰富。…查看更多