影片
更多
2025-08-14
90 浏览
豆公館📍旺角登打士街43號地舖去到旺角街頭，有時都好想掃下街，食嗰戎街頭小食當正餐。但考慮到唔太健康，同怕會唔夠飽，幾乎都無試過。最近同朋友去行街之際，發現一間新開嘅豆品專門店，外有落地大玻璃窗，內有懷舊復古小地磚，豆品種類琳琅滿目，價錢相對便宜，吸引到我哋呢對經常想以小食當正餐，但又顧慮健康嘅人去試試。 💰$28魚肉煎豆腐 🥢甫坐低就叫一份魚肉煎豆腐試試水溫，確保出品有水準先再加單。豆腐各面都煎得微微金黃，抹上魚肉嘅一面煎得最為香脆，賣相都幾吸引。主角豆腐硬中帶嫩，豆味香濃，雖然有連辣醬同豉油上碟，但個人認為魚肉本身已經好夠味，就咁食反而最好食！ 💰$38招牌麻婆腐皮蛋餅 🫔豆公館自創嘅豆漿蛋餅確係特別，因為喺製作過程中加入豆漿，所以成品同一般台式蛋餅賣相唔太一樣，口感亦有所不同。呢款招牌蛋餅包住全素餡料，有洋蔥、胡蘿蔔絲、雞蛋、腐皮，層次豐富夠健康，配埋榨菜絲同自家製辣醬，打造特色麻婆風味。 💰$35蘿蔔糕 🥠我全晚最愛蘿蔔糕，除咗因為佢剪得非常香口乾身之外，就係佢嘅調味做得非常之好，唔會好鹹但係又有傳統蘿蔔糕嘅香味，亦都唔會成口粉，真係正！ 💰$36老乾媽炒米粉 🍝老乾媽係神級調
📍旺角登打士街43號地舖
去到旺角街頭，有時都好想掃下街，食嗰戎街頭小食當正餐。但考慮到唔太健康，同怕會唔夠飽，幾乎都無試過。最近同朋友去行街之際，發現一間新開嘅豆品專門店，外有落地大玻璃窗，內有懷舊復古小地磚，豆品種類琳琅滿目，價錢相對便宜，吸引到我哋呢對經常想以小食當正餐，但又顧慮健康嘅人去試試。
[價錢 Price]
💰$28
魚肉煎豆腐 🥢
甫坐低就叫一份魚肉煎豆腐試試水溫，確保出品有水準先再加單。豆腐各面都煎得微微金黃，抹上魚肉嘅一面煎得最為香脆，賣相都幾吸引。主角豆腐硬中帶嫩，豆味香濃，雖然有連辣醬同豉油上碟，但個人認為魚肉本身已經好夠味，就咁食反而最好食！
[價錢 Price]
💰$38
招牌麻婆腐皮蛋餅 🫔
豆公館自創嘅豆漿蛋餅確係特別，因為喺製作過程中加入豆漿，所以成品同一般台式蛋餅賣相唔太一樣，口感亦有所不同。呢款招牌蛋餅包住全素餡料，有洋蔥、胡蘿蔔絲、雞蛋、腐皮，層次豐富夠健康，配埋榨菜絲同自家製辣醬，打造特色麻婆風味。
[價錢 Price]
💰$35
蘿蔔糕 🥠
我全晚最愛蘿蔔糕，除咗因為佢剪得非常香口乾身之外，就係佢嘅調味做得非常之好，唔會好鹹但係又有傳統蘿蔔糕嘅香味，亦都唔會成口粉，真係正！
[價錢 Price]
💰$36
老乾媽炒米粉 🍝
老乾媽係神級調味料相信人人都知，尤其係食啲淡味嘅米粉米線，只要落少少撈嚟食都會變得好好味。呢度嘅炒米粉都唔例外，只係落咗簡單嘅蔥花、洋蔥、芽菜等，加入神級調味料，就已經炒到一碟非常乾身又惹味嘅米粉！主食都只係$36 ，真係抵食！
[價錢 Price]
💰$34
柴魚花生粥 🍲
粥底比較杰身，柴魚同花生都俾得好多，識落冇咩味精嘅味道，好飽肚！
[價錢 Price]
💰$26
花奶豆腐花 🥣
選用來自加拿大生產嘅黃豆製成，經過幾重工序研磨煲煮成漿後，再撞入木桶凝固，製成滑溜嘅足料豆腐花。一般原味豆腐花已經好好味，豆公館更多推十款特色口味，令食客可以選擇傳統食法，或新派食法。今次揀咗花奶豆腐花，淡香嘅花奶配微甜嘅豆腐花，比一般落黃糖、糖水健康得多，下次會想試試糖水系列豆腐花！
张贴
