影片
更多
2021-08-18
1260 浏览
有次男友突然剔起條筋話想食至尊雞煲，話好耐無食過。其實呢間雞煲我很多年前經常和三五知己黎幫襯，那時任食辣雞煲的餐廳還不算多，隨著之後任食選擇變多和食量減少，都好少再去呢類形餐廳。適逢大家平日請假，就早少少六點上去。選擇果然正確，因為7點左右就很滿了。我們被安排坐在餐廳中間靠窗的卡位，相當闊落，用電磁爐；另外有些在中央位置的，比較窄，則用舊式Gas爐。要坐得舒服真係要早少少黎霸位~襯雞煲未到前，先攞飲品、醬料。飲品方面，有四個雪櫃放滿了各式罐裝飲品，單是罐裝啤酒也有四款。另一邊還有Somersby同Asahi生啤可以自己斟。如果要熱飲，餐廳最前的吧枱位置也有熱水和少量茶包供應。而醬料也放在吧枱這邊，有最基本的蔥、蒜、辣椒、辣蓉和辣椒籽。旁邊仲有三款小食，拍青瓜、涼伴雲耳和泡椒雞腳。以我食得少少辣的人來說，三款的辣度也令人滿意(但男友覺得好辣!)。如果雞腳再淋一點就更好!主角雞煲登場，叫咗BB辣，不過已經覺得夠辣夠惹味，辣中還帶點甜味。雞件大大舊，啖啖肉。每張枱上已經有壺湯，食完雞煲不用等待應加湯就可以轉打邊爐。大勢所催，火鍋料都用QRCode點了。基本的肉類、丸類、菜類都齊全，海鮮都有青
適逢大家平日請假，就早少少六點上去。選擇果然正確，因為7點左右就很滿了。
我們被安排坐在餐廳中間靠窗的卡位，相當闊落，用電磁爐；
另外有些在中央位置的，比較窄，則用舊式Gas爐。要坐得舒服真係要早少少黎霸位~
襯雞煲未到前，先攞飲品、醬料。飲品方面，有四個雪櫃放滿了各式罐裝飲品，單是罐裝啤酒也有四款。
另一邊還有Somersby同Asahi生啤可以自己斟。
如果要熱飲，餐廳最前的吧枱位置也有熱水和少量茶包供應。
而醬料也放在吧枱這邊，有最基本的蔥、蒜、辣椒、辣蓉和辣椒籽。
旁邊仲有三款小食，拍青瓜、涼伴雲耳和泡椒雞腳。
以我食得少少辣的人來說，三款的辣度也令人滿意(但男友覺得好辣!)。如果雞腳再淋一點就更好!
主角雞煲登場，叫咗BB辣，不過已經覺得夠辣夠惹味，辣中還帶點甜味。雞件大大舊，啖啖肉。
每張枱上已經有壺湯，食完雞煲不用等待應加湯就可以轉打邊爐。大勢所催，火鍋料都用QR
Code點了。基本的肉類、丸類、菜類都齊全，海鮮都有青口同水魷魚做代表，又有花膠，以這個價錢來說算係咁。
其中我推介炸魚皮、豬頸肉、凍豆腐同豬皮。
炸魚皮上枱仲好脆，加上濃味的雞煲汁滋味十足；
豬頸肉感覺唔係好肥，彈牙有咬口；
凍豆腐同豬皮吸哂D汁係無敵! 豬皮仲有種食街頭小食的感覺~
肉片(牛肉、羊肉、豚腩片)其實品質都唔差，肥瘦比例都OK，只是切得薄咗少少。
最後去入口附近拎埋雪糕/雪條，成餐非常圓滿。
张贴
