友人话好耐无食过鸡煲，放工后就同佢上黎呢度。三款套餐都唔过每位三百，全日免收加一，咁就叫C餐，最多款式。多个冻柜有齐特色罐装饮品，连啤酒都有。入坐后即刻去拎罐冻饮爽爽先。根据佢教你嘅食鸡三部曲，首先食咗个至尊重庆鸡煲，开细火滚返热就食得，一路滚起，个鸡煲香味就开始散出黎。鸡件相当入味，个鸡煲酱汁够晒惹味，辣度自选小辣，有大量香甜洋葱及芹菜，就咁配个白饭都已经可以当一餐。跟住趁有呢个惹味鸡煲酱汁，就叫咗一系列挂汁尤物，有牛栢叶，水鱿，猪皮，鹅肠，炸支竹及鸭血等。与酱汁一齐煮，好似食紧街边小食档D一串串咁，好食又过瘾。食完就可以最后一部曲，扫二维码落火锅配料单。自制肉类拼盘，有澳洲牛肩肉眼，特上牛小排，羊肉片及黑豚梅花片。加汤就可以开始打边炉，先烚片澳洲牛肩肉眼，肉味几重，肉质几嫩，烚几秒就食得。之后就到特上牛小排，脂肪位多D，多一份油香及滑溜。又自制咗个海鲜拼盘，包括有虾，沙白，鱿鱼仔，脆骨腩，青口及广岛蚝。欢喜只虾几弹牙及有虾味。丸类当然系火锅中不能缺少，叫咗蒜味花枝丸及爆汁牛丸，仲有芝心丸。蔬菜已放好一碗碗于冻柜，可出去自取。记住留肚食甜品，有啫喱，奶冻，桂花糕等仲有多款特色口味嘅雪糕杯当然唔客气可以一次过试几款味道。任饮任食2.5小时，就算一路食一路倾计时间都相当足够。…查看更多
