至尊重慶雞煲 (創興廣場)

友人話好耐無食過鷄煲，放工後就同佢上黎呢度。三款套餐都唔過每位三百，全日免收加一，咁就叫C餐，最多款式。多個凍櫃有齊特色罐裝飲品，連啤酒都有。入坐後即刻去拎罐凍飲爽爽先。根據佢教你嘅食鷄三部曲，首先食咗個至尊重慶雞煲，開細火滾返熱就食得，一路滾起，個鷄煲香味就開始散出黎。鷄件相當入味，個鷄煲醬汁夠晒惹味，辣度自選小辣，有大量香甜洋蔥及芹菜，就咁配個白飯都已經可以當一餐。跟住趁有呢個惹味鷄煲醬汁，就叫咗一系列掛汁尤物，有牛栢葉，水魷，豬皮，鵝腸，炸支竹及鴨血等。與醬汁一齊煮，好似食緊街邊小食檔D一串串咁，好食又過癮。食完就可以最後一部曲，掃二維碼落火鍋配料單。自製肉類拼盤，有澳洲牛肩肉眼，特上牛小排，羊肉片及黑豚梅花片。加湯就可以開始打邊爐，先烚片澳洲牛肩肉眼，肉味幾重，肉質幾嫩，烚幾秒就食得。之後就到特上牛小排，脂肪位多D，多一份油香及滑溜。又自製咗個海鮮拼盤，包括有蝦，沙白，魷魚仔，脆骨腩，青口及廣島蠔。歡喜隻蝦幾彈牙及有蝦味。丸類當然係火鍋中不能缺少，叫咗蒜味花枝丸及爆汁牛丸，仲有芝心丸。蔬菜已放好一碗碗於凍櫃，可出去自取。記住留肚食甜品，有啫喱，奶凍，桂花糕等仲有多款特色口味嘅雪糕杯當然唔客氣可以一次過試幾款味道。任飲任食2.5小時，就算一路食一路傾計時間都相當足夠。…查看更多

【油尖旺區】【至尊重慶雞煲】識咗班新嘅朋友，不過可能之後都要各散東西，於是大家都出嚟食個飯聯誼吓。佢哋揀咗創興呢間「至尊重慶雞煲」，我都感慨萬千。沙田店我曾經五日食三次，當年真係好好食。不過而家 $208 一位嘅價錢，平日晚市嚟講又唔過份，都冇得要求咁多㗎喇。我哋叫咗兩款雞煲，一款係「至尊重慶雞煲」，傳統款，味道大不如前，但基本嘢都喺度嘅，係咪回味無窮就個人口味喇，食到尾仲有啲鹹。另一款係「芝士雞煲」，寫就話佢口感濃郁，我食落就得嗰 pat 芝士有少少芝士味，其他位就冇，總括而言就一般啦。火鍋料任食係包括澳洲牛肩胛肉眼、雪花肥牛、黑毛豬梅花、頂級小肥羊肉、紐西蘭青口等等，不過都係志在傾偈，唔算好重視食物質素。而且自助吧仲有甜品、小食我都冇攞，以 foodie 嚟講真係唔稱職。埋單 $2704，不過我哋 15 人，人均 $180.3，唔貴。。。（地址：旺角彌敦道601號創興廣場16樓）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #dessert #foodpics #followforfollowback #love #eat #1am油尖旺區 #旺角 #旺角東 #油麻地 #至尊重慶雞煲 #平日晚市 #重慶雞煲 #芝士雞煲 #澳洲牛肩胛肉眼 #雪花肥牛 #黑毛豬梅花 #頂級小肥羊肉 #紐西蘭青口 #1am1795 #1ambackup…查看更多

❝𝐦𝐨𝐧𝐠𝐤𝐨𝐤 ❞📍 旺角 | 雞煲 － 涼涼地，食返個椰子雞煲暖下身 ＼ 至尊重慶雞煲最近天氣開始轉涼，最啱就係約埋米菲去食返個雞煲！🌬️我哋成日都會去呢間旺角雞煲店，今次豪啲叫咗套餐C～椰子雞＋海鮮＋肉類＋甜品＋飲品任食，真係由頭暖到落胃！🫕🐚🍖—🍲 滋潤又暖胃｜椰子雞煲＋火鍋放題🫕 先食雞後打邊爐半隻雞加椰青水做湯底，分開上枱，椰子湯滾起後落雞，雞件足料，鮮嫩入味，清甜唔油膩，食完真係有種被滋潤嘅感覺～🐚 套餐C係最極緻Set，火鍋配料任食！雞食完再轉打邊爐，海鮮部分超有驚喜：・廣島蠔｜蠔味濃郁・日本帆立貝｜鮮味十足・澳洲牛肩肉眼、特上牛小排、羊肉片、黑豚梅花片｜全部都可以無限encore！🥬 仲有自取蔬菜區，椰子雞湯煮菜吸晒海鮮同肉肉精華，勁好食！—🍻 飲品＋甜品｜任飲任拎超滿足・啤酒汽水任飲，氣氛熱鬧，啱晒大班朋友聚餐・甜品自取：啫喱、奶凍、桂花糕、雪糕杯樣樣齊・食完火鍋再嚟甜品收尾，完美！✅ 食到飽飽又滿足～呢個天氣真係要食返個雞煲，暖身又暖心！—🔎 𝑀𝑜𝑟𝑒 𝐼𝑛𝑓𝑜𝑟𝑚𝑎𝑡𝑖𝑜𝑛📍 地址：至尊重慶雞煲｜香港旺角彌敦道601號創興廣場16樓📝 評分：9/10…查看更多

📍 至尊重慶雞煲-旺角只要二百幾蚊就可以，任食雞煲🐔仼食雪糕🍨任飲🥤呢個價錢真係好抵，而且仲係越夜越平，難怪9:00打後仲有咁多人入座，見到除咗好多成年人之外，仲有好多後生仔女，證明真係好平同埋食物質素唔錯先會吸引到更多客人🥢🥢一坐埋位，店員就會問你要啲乜嘢雞煲，雞煲嘅選擇都好多有椰子雞，重慶雞煲等等，我嚟到當然想食重慶雞煲，辣度可以自由選擇，呢度仲有QR code可以落單，其他火鍋配料都有齊晒！餃子🥟分別有洋蔥豬肉餃同韮菜餃，第一次食洋蔥餃幾特別🥢洋蔥同韮菜都吸哂辣汁，果然係精華🩷我哋既係C plan仼食，所以會包括埋海鮮類，廣島蠔、日本帆立貝、海蝦等等，有齊哂，而且仲好新鮮👍澳洲肩胛肉眼、雪花肥牛、特上牛小排🐮🐮🐮牛小排雪花超靚，油脂同肉嘅比例勁均勻，食落肉味濃郁🥢皇庭貢丸、魚籽福袋、流沙鮮蝦丸、爆醬牛丸、土豆片 、午餐肉、牛柏葉等等，佢又真係粒粒彈牙，一咬落去仲係爆汁！飲品公仔麵，烏冬都係出邊，全自助👍👍仲有自家製嘅奶凍、甜品、啫喱！全部都食過不停👍👍…查看更多

今晚公眾假期前夕，放工約咗老Best食飯減壓，朋友介紹咗呢間2.5小時任飲任食雞煲加火鍋，我哋揀咗套餐C，每位$278 。價錢包咗各樣火鍋材料、甜品及啤酒汽水任飲。雞煲有四款可揀，作為芝士控嘅我，揀咗芝士雞煲。芝士雞煲上枱時，雞量極多，陣陣嘅芝士味已經令我食指大動，每一嚿雞都佈滿了熔岩般嘅芝士🧀，入口嫩滑味濃。食完雞煲就到火鍋，加咗湯入煲後，放上火鍋材料就正式進入打邊爐mode。火鍋材料選擇多，當中包括：特上牛小排、澳洲牛肩胛肉眼、雪花肥牛、廣島蠔、生蝦、日本帆立貝、紐西蘭青口、花膠、牛柏葉、流沙牛丸、墨魚丸、芋絲、竹笙、金菇、冬菇、油豆腐串、蟹柳條及鴨血。我特別鍾意食特上牛小排及澳洲牛肩胛肉眼，encore 咗幾次。雪櫃入面放咗蔬菜及即食面類，供食客自取。醬料自助吧及自助冷盤飲品選擇都唔少，難得聽日唔使返工，今晚啤啤佢😆…查看更多

天氣凍凍地又想食雞煲打邊爐揀咗呢間由細食到大嘅至尊重慶雞煲主打重慶雞煲＋火鍋放題任飲任食價錢合理 款式多 餐廳環境幾闊落 好光猛氣氛熱鬧得嚟唔嘈 幾啱一大班人聚餐放題 C 餐 $268@（2.5 小時任飲任食）C 餐包咗雪花肥牛 特上牛小排 黑毛豬梅花 海蝦青口等等同多款丸菜類 加上啤酒汽水任飲 選擇夠晒多今次嘅雞煲就揀咗classic嘅「至尊重慶雞煲」開波 煮完仲可以加湯繼續打邊爐 兩種享受一次過滿足至尊重慶雞煲一上枱就聞到濃濃嘅香辣味雞煲紅通通好吸引雞件大大件 肉質嫩滑 炒得好香口 底層鋪滿洋蔥 蒜頭 乾辣椒同花椒 食落又香又惹味 越食越上癮食到到差唔多再加花膠 水魷魚同牛柏葉落去 吸晒雞煲精華好惹味之後就可以加湯打邊爐肉類＋海鮮肥牛油花靚 煮幾秒就入口即化 牛小排厚身啲 肉味香濃 海鮮有蝦 生蠔 帆立貝 青口 沙白同魚片 新鮮度唔錯 蝦彈牙 魚片爽口另外仲有好多款唔同嘅丸類 蔬菜 菇菌 同主食飲品＋甜品任飲汽水 啤酒 甜品同雪糕都唔缺貨甜品仲有班蘭奶凍幾特別整體嚟講 重慶雞煲香辣惹味 肉質嫩滑 火鍋食材新鮮 份量足夠 以呢個價位嚟講性價比幾高…查看更多

喺旺角呢啲咁旺嘅鬧市, 週圍都係食肆, 突然想食雞煲, 阿仔上網search, 搵到呢間「至尊重慶雞煲」原來佢係旺角人氣雞煲放題. 一於去試吓先.打邊爐梗係要材料新鮮啦. 首先我哋點咗個花膠雞煲, 花膠大大塊, 好好口感. 跟住就叫咗啲牛肉、牛小排、鯇魚片、爆漿牛丸、鴨血、牛柏葉、墨魚丸、蟹柳等等. 其實仲有好多種類, 生蠔、花膠、墨魚仔等等應有盡有, 我地都試唔到幾多. 飽了, 好味. 我仔最喜歡牛小排. 我就鍾意花膠雞煲個湯底, 入味又滋補.至尊重慶雞煲經營十多年, 餐廳對烹調雞煲的過程非常講究, 堅持原煲即煮, 即叫即炒, 依照重慶大廚的正宗秘方, 為各位食客呈上品質優秀、味道正宗的重慶風味. 除此之外, 餐廳更為各位不好嚐辣的食客, 預備多款多元的雞煲口味，有濃郁豐厚的芝士雞煲及清甜鮮美的椰子雞煲, 場上亦有多款放題美食, 我地真係大飽口福. 食完正餐就梗係要食甜品啦, 我推薦抹茶奶凍. 記得試下.地點：旺角彌敦道601號創興廣場16樓…查看更多

至尊重慶雞煲🐔喺創興廣場16樓 地方非常寬敞，坐得好舒服 2.5小時任飲任食 ，C餐每人只需$268 我哋揀咗招牌至尊重慶雞煲 唔太食得辣可以揀唔辣 或者微辣雞煲味道濃郁 雞件都好滑嫩 要每位+$30先可以升級任食雞煲食完雞肉 推薦一定要跟餐廳嘅「食雞三步曲」叫水魷、牛栢葉、花膠煮完非常入味 C餐有特上牛小排、澳洲肩胛肉眼 推薦未加湯前淥 都喺非常惹味 另外仲有多款海鮮選擇 有海生蝦、沙白、廣島蠔、帆立貝等等留意每份食物餐廳比嘅份量都偏多所以唔好叫太多～免得浪費飲品嚟講種類非常多，有生可樂之餘，仲有啤酒任飲…查看更多

俾啲正評呃咗入嚟食揀咗個芝士味雞煲完全冇味啲雞肉硬嘅 一啲都唔嫩啲牛肉豬肉鞋到死極之難食羊肉鬚到作嘔搞到我哋食完都要買其他嘢食去洗胃成個場啲選擇又少個蔬菜櫃竟然得娃娃菜生菜皇帝菜飲品得嗰三個櫃醬料配料方面都好少…查看更多

呢間至尊重慶雞煲嘅火鍋料都唔少，擺出嚟嘅款式整齊乾淨。我個人幾推薦佢嘅牛肉，脂肪同肉比例唔錯，淥完唔會散開，有牛味。海鮮方面，海蝦都幾爽口，以放題來講算係有驚喜。蔬菜櫃嘅選擇都幾多，有唔同既菜、金菇等等，吸晒湯底精華好正。最後不得不讚嘅係服務，店員都好快手，態度友善。整體來講，一位包埋任飲啤酒，啤酒唔使另外加錢，同朋友們可以盡興，飲酒再加雞煲火鍋，令人更想食更多，食完非常滿足。食物種類多，質素對得住價錢有餘，絕對係同朋友聚會，想食得盡興又唔使睇住銀包嘅好選擇。已經約定朋友下個月再來encore。…查看更多

早排同班friend諗住搵個地方可以慢慢傾計又可以食到開心嘅，就聽人推介去旺角呢到食雞煲。2.5小時任飲任食，仲有椰子雞煲同海鮮揀，一聽就心郁郁🔥！ 呢度主打火鍋放題，選擇超多～牛羊豬、海鮮、仲有甜品飲品應有盡有，完全係聚會好去處 😋。 講返重點，椰子雞煲湯底超正！清甜又帶椰香，飲幾啖成個人暖笠笠 🥥🍲。海生蝦爽口彈牙，沙白又肥美，浸過個湯更加惹味 🦐。至於牛小排同雪花肥牛，涮幾秒入口就係嫩滑到不得了 🐄。黑毛豬梅花同黑豚腩片都好爽口，肉質新鮮唔欺場 🍖。海鮮迷必點日本帆立貝同紐西蘭青口，鮮味爆棚，食到停唔到口 🦪。 甜品飲品方面都唔失禮～奶凍滑溜香甜，雪糕又清涼解膩，仲有彈牙啫喱 🍮🍨。飲品揀啤酒就啱哂：嘉士伯、Somersby Apple Cider、K1664 Blanc都有，啖啖冰凍，好過癮 🍺。 …查看更多

今日就同朋友去左至尊重慶雞煲任飲任食2.5小時，總共有6款雞煲選擇我就叫咗套餐C雞煲可以免費升級清甜椰子雞湯，湯底好清甜，有大量雞件，肉質嫩滑，食完雞之後再打邊爐火鍋配料方面有齊海鮮，肉類，九類等，種類繁多，整體食材新鮮海生蝦肉質彈牙; 廣島蠔大隻鮮甜; 肉類方面有特上牛小排，澳洲牛肩胛肉眼，脂肪分布平均，肉類軟嫩; 自助區仲有蔬菜，小食等另外有大量紙包同埋罐裝飲品選擇甜品方便除左有香港名牌雪糕外，仲有自家製嘅啫喱同牛乳奶凍…查看更多

至尊重慶雞煲歷史悠久，由學生時期已經開始幫襯，無論兩人定一大班朋友聚會都好啱，而且無論傳統嘅重慶雞煲，仲有提供多款湯底選擇，今次揀左芫荽卜卜蜆煲，以新鮮蜆肉為基底，加入大量芫荽同白蘿蔔熬製而成，湯底清澈鮮美，之後再滾其他火鍋食材都更加鮮味除左可以qr code點餐，仲可以出去自助拎蔬菜、前菜、汽水同埋雪糕雪條，而且仲有生啤任飲添肉類* 頂級小肥羊肉片：選用優質小肥羊，油花均勻，入口即化帶有淡淡羊香* 黑毛豬梅花：肉質細膩有嚼勁，肥瘦相間，入口唔膩* 雞子：質地脆嫩，煮後保持彈牙口感* 鮮鵝腸：鵝腸清洗乾淨，片狀切薄，煮熟後非常爽脆海鮮類* 海生蝦：新鮮海蝦大小均勻，煮後蝦肉鮮甜* 日本帆立貝：飽滿厚實，煮熟後口感軟嫩* 鮮甜沙白：沙白無沙無泥，煮開後鮮味突出* 廣島蠔：肉厚實新鮮，煮後滑溜多汁，蠔香濃郁* 脆鯇魚片：鯇魚片切薄，魚肉彈牙有脆感，煮熟後保持鮮嫩不散* 青口：青口殼大肉足，煮後肉質緊實其他* 魚皮餃：外皮彈牙內餡鮮美，煮後魚膠質地滑溜* 芝士魚腐：魚腐加入芝士製作，口感軟糯* 黃金魚籽球：咬開後魚籽爆汁鮮甜，質地Q彈有驚喜* 香甜粟米：煮後甜脆多汁，加落湯底更加清甜📌至尊重慶雞煲 (旺角)地址：旺角彌敦道601號創興廣場16樓…查看更多

今晚去旺角至尊重慶雞煲，揀咗C餐($268)！🥳 2.5個鐘任食任飲，真係好爽！🍻🍲呢度嘅「先雞煲後火鍋」放題真係好正，雞件超嫩滑，仲要辣度自選，小辣炒得又香又濃，連伴菜楊蔥都好味！🤤 如果唔好食辣，仲可以揀椰子雞或者芝士雞煲！🥥🧀食完雞煲，仲可以加湯打邊爐，掃二維碼落火鍋配料單，自製肉類拼盤，想點就點，簡單又好食！🍻🔥海鮮牛肉應有盡有：生蝦、沙白、特上牛小排、澳洲牛件乜都有！😍 加埋生啤放題，真係好滿足，每樣都想試！🎉啤酒配火鍋，真係冇得輸，好食又開心！甜品雪櫃都有好多選擇，甜品、雪糕全部都試晒！整晚都係好充實一次食飯體驗！🍨#旺角 #至尊重慶雞煲 #放題 #雞煲火鍋 #生啤任飲…查看更多

雞煲火鍋 2.5小時任食任飲 C餐先嘗招牌重慶雞煲，嫩雞件裹著濃稠醬汁上桌，入口帶有麻香卻不嗆喉，小辣也能體現香辣平衡。雞肉邊緣微焦帶鑊氣，肉質仍保彈嫩不柴；醬汁滲入生洋蔥與芹菜，久煮後蔬菜極為入味，愈食愈惹味轉入火鍋環節，湯底換上乳白豬骨湯承接麻辣余韻，多款海鮮肉類任你揀，海生蝦殼脆肉彈、廣島蠔帆立貝很肥美、牛小排油花勻稱、羊肉騷味亦很夠，另外較驚喜的是有多款丸類，粒粒足料大粒，有不同口感，值得一試…查看更多