申子居酒屋

营业中

休息中

放下午出旺角路經見到一間居酒屋張貼「六週年感謝祭」就入咗去試吓,午市做緊6折優惠,有多款定食、丼、刺身、壽司、壽喜燒等,仲有多款小食推介！店面係實木同微黃色調,分兩層,下面係吧檯,上面環境闊落舒服！🍱刺身定食（配北海道七星米/雞白湯手打烏冬）刺身擺盤好靚,肥美又新鮮,三文魚夠厚切,吞拿魚同油甘魚口感有韌性,最鍾意甜蝦同三文魚籽帶子好鮮甜！前菜玉子卷、醃漬番茄仔同牛蒡,酸酸甜甜好開胃,好好食！🍜雞白湯手打烏冬雞白湯唔算太濃,湯底順滑,味道啱啱好,烏冬口感彈牙！🥢名古屋風芝麻手羽先芝麻雞翼炸到皮脆肉嫰,咬開肉汁爆晒出嚟,好惹味！