御將燒 (雙子匯1期)

营业中

休息中

最近喺新開嘅Sogo雙子滙試咗間大阪過江龍餐廳主打廣島燒及鐵板燒料理店內嘅裝潢走日式木系風格座位闊落而且好舒適仲有吧枱位可以近距離觀賞師傅嘅手藝店員嘅服務亦都好貼心大阪燒$98呢款係最經典嘅大阪燒，主要係以雞蛋、五花肉、蔥花、豆芽、椰菜同埋麵漿製成，再加上柴魚片、海苔、美乃滋醬同埋大阪燒醬，食落口感鬆軟又美味。歐姆蛋包麵 $138非常傳統嘅廣島美食之一，將香嫩嘅雞蛋煎香，再喺中間包住幼滑彈牙嘅麵條，加上五花肉、海苔同埋紅蘿蔔一齊炒，口感非常豐富。鐵板章魚小丸子 $68有別於傳統嘅圓形小丸子，呢度嘅章魚小丸子係好似一塊肉餅咁樣，食落有好多章魚做餡料，認真足料。大島卷玉子 $68玉子卷食落口感嫩滑細膩，蛋味香濃，非常值得一試。