影片
更多
2025-07-08
0 浏览
是咁的，男朋友話，最近睇完一堆演唱會又去完日本追星追啲○○女優，再upgrade 埋啲音響器材洗突咗少少；拍拖「求其搵間茶記食算」啦喎... 心情唔好梗係屈佢請食飯😤 我就一心諗住要食啲打卡able嘅甜品嘅🥲 最後俾佢搵到呢間，由內外裝修到menu 都貫徹港式懷舊風格嘅保頓冰室🤯一嚟就叫咗兩個出邊好難搵嘅豬油撈飯！本身已經唔多happy，燥底指數直線飆升一一去過其他主打懷舊嘅餐廳，啲豬油渣細到用顯微鏡先見到，所以對呢度完全冇期望。點知一上菜，碗邊除咗有大舊翠玉瓜，已經圍住曬炸到脆口嘅豬油鬆😍椒鹽豬扒煎蛋豬油撈飯 ($71)呢碗係我嘅，有時會想大啖食肉！荷包蛋煎到脆邊，蛋黃有爆漿效果，椒鹽豬扒全部入味。加埋豬油鬆，同埋後下嘅液體豬油同豉油，即刻開心返晒😆 (同一時間發覺自己幾易氹)香蔥滑蛋叉燒粒豬油撈飯($68)滑蛋菜式最怕雞蛋份量孤寒，亦都擔心叉燒硬到似柴皮，但一見到啲半肥瘦叉燒粒就放心晒！難得本身已經好夠味，唔使加豬油同豉油都好香！芝麻西檸脆雞配白飯 ($85)食食下望到隔離枱嗌晚餐，我講咗句「碟西檸雞好似幾正」，佢轉個頭竟然叫埋（暗爽中）咬落去有薯片廣告聲效咁脆，入面啲雞肉仲係好滑
一嚟就叫咗兩個出邊好難搵嘅豬油撈飯！本身已經唔多happy，燥底指數直線飆升一一去過其他主打懷舊嘅餐廳，啲豬油渣細到用顯微鏡先見到，所以對呢度完全冇期望。點知一上菜，碗邊除咗有大舊翠玉瓜，已經圍住曬炸到脆口嘅豬油鬆😍
椒鹽豬扒煎蛋豬油撈飯 ($71)
呢碗係我嘅，有時會想大啖食肉！荷包蛋煎到脆邊，蛋黃有爆漿效果，椒鹽豬扒全部入味。加埋豬油鬆，同埋後下嘅液體豬油同豉油，即刻開心返晒😆 (同一時間發覺自己幾易氹)
香蔥滑蛋叉燒粒豬油撈飯($68)
滑蛋菜式最怕雞蛋份量孤寒，亦都擔心叉燒硬到似柴皮，但一見到啲半肥瘦叉燒粒就放心晒！難得本身已經好夠味，唔使加豬油同豉油都好香！
芝麻西檸脆雞配白飯 ($85)
食食下望到隔離枱嗌晚餐，我講咗句「碟西檸雞好似幾正」，佢轉個頭竟然叫埋（暗爽中）
咬落去有薯片廣告聲效咁脆，入面啲雞肉仲係好滑嘅，唔會一變絲絲柴皮！最欣賞係佢個檸檬醬汁，唔似出面用洗潔精味檸檬香精開稀，而係有真正嘅檸檬酸味。食到打包都冇後悔叫呢個！
個餐送兩碗紅豆沙，一筆落去系大大粒原粒紅豆同埋超級大塊陳皮！淨系咁已經值回票價😂
食到飽曬，佢先嚟話要叫埋我想食嘅打卡甜品......仲要係佢女神，日本最強「怪物級○○女優」宮下玲奈上年嚟香港嗰陣食過嘅雪糕菠蘿包（仲喺我面前提第二個女人，佢真係想死🤬 ）咁搞法真係火都嚟埋，但唔通有食唔食咩......
點知！！！
入面唔係最頹嗰隻普通死甜雲呢拿雪糕，係喺日本食過口，感微黏充滿牛奶香嘅雪糕！最得人驚係菠蘿包脆皮非常實淨，咬一啖唔會碎到成地都係，可以同佢女神一樣保持儀態，優雅咁食😎🤣
最後嘅最後，明明佢自己都飽曬，仲擅自叫多個華田脆脆多士($38)😱 啱嘅，都係呢間鋪頭招牌打卡甜品😅 唔花筆墨形容，俾咗切開之後嘅相，大家感受吓有幾澎湃。
嘢飲嘅話，熱菜蜜真係唔會死錯人，男朋友覺得凍奶茶少甜可以多返少少奶咁，但整體茶底香濃，配襯以兩上重口甜品都唔錯。
算佢識做，幫我影咗一張同宮下玲奈同款嘅門口打卡相。結果呢一餐飯，佢成功用好味又打卡嘅嘢食保住自己人頭😇
张贴
