御將燒 (雙子匯1期)

营业中

休息中

百年歷史日本醬料品牌Otafuku共同協辦嘅御好燒專門店喺啟德插旗，主打廣島御好燒及各式鐵板燒料理，希望將廣島同關西獨特風味帶給大家。店內環境舒適，設有卡位同席前座位，日式氛圍十足，價格親民，地點方便，食物質素高，全部即叫即整且等候時間短，絕對值得到訪。招牌菜為廣島燒，食材逐層疊加，由下至上，麵糊、木魚粉、椰菜、炸雞花、蔥花、豆芽、五花肉、麵條、雞蛋、醬汁、青海苔，搭配Otafuku獨特嘅廣島燒醬同沙律醬，層次分明，鹹甜口味，完全唔膩，令人一試愛上。鐵板章魚小丸子第一次見，章魚大大粒，扁食都幾特別。豚平燒則以雞蛋包住炒過嘅高麗菜同豚肉片，關西美食，唔油唔膩，調味偏清淡，可以食到高麗菜嘅鮮甜味同豚肉嘅肉香氣，作為小食最合適不過。若唔夠飽嘅建議可以點埋豚肉蒜香炒飯，炒至粒粒分明，豚肉半肥瘦，幾香口，適合多人分享，整體性價比高，會回訪。