御將燒 (雙子匯1期)

营业中

休息中

成餐飯坐得舒服之餘，環境都加唔少分。燈光偏暖色系，坐低就有種relax嘅感覺，唔會黑蚊蚊，啱晒朋友聚餐。廣島燒配廚師沙律廣島燒材料堆得豐富，椰菜豬肉蛋一層層疊住，有啲厚實。個麵有啲腍，口感一般，但味道唔錯。反而個沙律出奇地清新，冇太多花巧，但有番平衡油膩感嘅作用，整體配搭算合理。安格斯牛柳炒烏冬牛柳有香煎邊，入口唔鞋，調味亦適中。烏冬夠滑但唔會軟趴趴，有吸到汁，食落幾有飽足感。朱古力雪糕一入口已經感受到香濃朱古力味，唔係死甜類型，口感幾滑，唔錯。不過份量唔多，如果你係甜品控可能會覺得唔夠喉。