黑龍

营业中

休息中

聽聞灣仔有間嚟自沖繩嘅拉麵店幾出名， 最近放午飯試下，為六月沖繩之旅作前奏。 拉麵店2014年開業，由日本人主理，雖然當日落雨，但差唔多滿，不過人齊先可入座。外面掛住燈籠，傳統日式木系裝修。黑龍豬骨拉麵 豬骨湯濃郁，唔會過鹹，麵質比較幼身同直身，豚肉薄身，浸住碎紫菜。白雞鹽味拉麵 湯汁比豬骨湯淡，雞味唔會被鹽味遮蓋。拉麵麵身卷曲，雞肉口感尚算嫩滑，配上溏心蛋。日式叉燒飯（細）日本傳統習慣會拉麵配合細飯，叉燒切成小塊，稍稍煎烤，口感軟腍，帶少少甜醬油撈勻珍珠米。小食：餃子 裏面肉餡正常份量。章魚燒 細細粒，外脆內裏麵粉感唔重，內含小章魚粒。餐枱寫住每月有限定優惠，今次follow 社交平台就有1隻炸蝦。