一遊

营业中

休息中

返工真是一個字：攰！終於捱到收工，當然要搵間靚餐廳chill一chill，醫吓個肚！今次去咗位於灣仔合和中心嘅 一遊，一間充滿日式風情嘅居酒屋。木系裝潢配上昏黃嘅燈光，暖笠笠feel又唔失格調，牆上仲有啲日式插畫同小擺設，影相打卡都好有feel。🐙 八爪魚沙律 ($98)頭盤點咗個八爪魚沙律，擺盤好精緻，八爪魚切得薄薄，口感爽脆彈牙，配上新鮮沙律菜同微微酸嘅醬汁，酸甜交織好開胃！仲有少少蔥花點綴，味道層次感十足。🍣 海膽吞拿魚壽司 ($268)海膽入口即化，鮮甜，配上厚切嘅吞拿魚，油脂感同海膽嘅濃香完美平衡。底層飯粒粒分明，醋味適中。🍲 豚肉野菜豆腐鍋冷氣有啲涼，點咗個豚肉野菜豆腐鍋暖吓胃。湯底清甜，豚肉薄切入口嫩滑，仲有好多新鮮野菜同滑豆腐，食落好健康又滿足。湯頭濃而不膩，飲完一碗仲想encore！🥟 豬肉餃子豬肉餃子外皮煎得金黃香脆，內餡juicy到不得了，咬落啖啖肉香，簡單但有誠意。🐷豚肉生薑燒飯豬肉切得唔厚唔薄，煎得外焦內嫩，薑汁同醬油嘅調味好香，甜鹹平衡得啱啱好。仲有啲洋蔥絲，食落清爽又唔會太重口，係下飯神器。