麺屋こころ (軒尼詩道)

营业中

休息中

平時食拉麵，都只會諗起湯拉麵同沾麵。經過見到，呢間餐廳裝修簡潔，同唔少人推介，所以決定入去試一試。餐牌拌麵種類唔係好多，有六款唔同種類嘅配搭。另外，有雞白湯拉麵可以選擇。拌麵採用先伴麵後伴飯，桌上有食用有食用方法，教食客享用。先享用原來已調配嘅味道，後加上黑胡椒，再加上香醋。最後，食完拌麵後再向店員取白飯享用。鹽味拌麵 $89拌麵配有豬腩、蔥花、紫菜碎、水菜、竹筍、唐辛子絲、生蒜、魚粉及小麥麵。食落唔單止有生蒜同埋蔥花帶來嘅香辣，麵內配上嘅辣肉醬食落有稍微嘅麻辣感覺。食到中段會感到油膩感，但係按指示加落香醋，反而令味道提升。醋嘅酸味增添咗香味同埋解膩。最後，拌上白飯好似平時食湯拉麵，畫上嘅句子。開頭以為食完會唔夠飽，但係起身就發現十分之飽肚。接近夏天嘅時間，亦都可以避免咗食湯拉麵咁熱，又可以試吓新口味。