Mokumoku Yakiton (厚福街)

营业中

休息中

放工後同同事搵間日式串燒店chill一下，真是一個輕鬆寫意的夜晚！呢間小店環境舒適，充滿日式風情，氣氛輕鬆，啱晒同朋友傾計放鬆。酒水還做買一送一優惠，超抵！點咗Suntory生啤同梅酒，啤酒清涼冰凍；同事飲梅酒，梅子香味濃但酒精濃度不高配串燒一流。前菜是冰凍蒜子鮮蕃茄，酸酸甜甜冰涼又開胃。煙燻燒豬腩肉，雖然是五花腩但係一啲都唔肥膩，非常甘香，肉味香濃。這間店主力賣豬肉串燒，選擇多，質素高。同事最鍾意食豬，點咗好幾款豬肉串燒，燒得外香內嫩，火候啱晒！由其時令荔枝豬肉卷真是一個驚喜，荔枝清甜同豬肉完美結合，夏天限定，必試！芝士豬耳朵都非常特別，芝士香口配上豬耳朵好惹味。沖繩苦瓜肉碎同櫻花蝦，甘香又解膩。厚揚即是燒豆腐，豆香外脆內軟，必食。除咗豬肉，店內亦有牛、雞、魚選擇，今次仲點咗刺身盛合五款， 各款刺身非常新鮮肥美鲜甜。今晚食得豐富，感覺滿足又開心，辛苦一日嘅疲勞一掃而空。呢間串燒店真是一個好地方，明日再努力工作，繼續搵好食店放鬆！