Mokumoku Yakiton (厚福街)

营业中

休息中

今晚同朋友去咗尖沙咀嘅Mokumoku Yakiton，主打日式串燒同埋豬肉料理，仲有晚市酒精買一送一，真係抵食又好味！ 一開場前菜店員會先送上酸醋蕃茄，好開胃，蕃茄爽甜，醋汁酸香醒神！跟住試咗岩手縣赤崎蠔，蠔身飽滿，海水味濃郁，加少少檸檬汁已經鮮味爆棚，而且大隻又厚肉，蠔迷必試！ 串燒方面，煙燻豬腩同西班牙夾心肉都燒得啱啱好，外皮微脆，肉質嫩滑，油脂香濃但唔膩。上等豬脷串爽口彈牙，豬生腸串乾淨無異味，咬落去脆卜卜，好過癮！ 蔬菜類嘅蒜芯豬肉卷同秋葵豬肉卷都好出色，豬肉包住爽脆嘅蔬菜，口感豐富，表皮肉燒得咸香咸香脆卜卜。雞翼串燒到皮脆肉嫩，簡單但好食！沖繩苦瓜釀豬肉同抱子甘藍火候控制得宜，保留到蔬菜嘅清甜。最後嘅燒菠蘿好Juicy，面頭灑咗薄薄一層糖，食落脆脆地帶點焦香，完美收尾！ 飲品方面，Ginger Highball清爽解膩，而柚子 x 檸檬酒酸甜易入口，晚市仲有酒精買一送一，抵飲！ 總括來講，Mokumoku Yakiton 串燒質素高，環境舒服，服務唔錯，係同朋友飲酒傾偈嘅好地方！