沃川自家料理

营业中

休息中

宮崎小食係煙豬肝同埋煙腸仔，飲酒再配埋依兩款小食會係唔錯嘅配搭🍺花生豆腐表面平滑但係其實口感較為煙韌，帶花生香，感覺都好清新🥜刺身方面，𩶘魚白子口感獨特，有別於creamy嘅鱈魚白子，幼滑之餘外皮有少少脆口，太刀魚魚肉較爽口，炙燒完突出咗油香，至於蜜柑鯛味道清新，肉質細嫩😋師傅仲可以因應客人要求或者時令食材去製作餐牌以外嘅菜式，依個甘蝦沙律米紙卷就好refreshing，啱晒依家咁熱嘅天氣！另外叫咗幾款燒物，依兩款豚肉露筍卷同埋蕃茄卷燒得唔錯，相比之下鍾意蕃茄多啲，咬落爆汁又酸酸甜甜咁，比較開胃，燒牛小排望落去中間仲有少少粉紅，見到有肉汁夠juicy，食落唔會柴口🥢燒無骨雞腿扒飯嘅雞髀肉本身夠滑，雞皮燒到脆卜卜，雖然個飯嘅賣相較為普通，但係塊雞扒係好食嘅🍚清酒煮蜆個清酒湯底極為鮮甜，蜆肉隻隻都頗大，而且份量都唔少，連埋湯汁一齊食就更加鮮味～