標記樂園潮州粉麵菜館

营业中

休息中

好耐冇食過標記啦,自從佢搬咗之後，都冇乜點食過。本身仲以為佢執咗。後尾見到原來搬咗去通菜街，見到個friend畢業啦，就同佢食返餐結業飯。唔知係，唔係慣咗舊地址。新鋪好難搵，行左幾次先至睇到。行到入鋪頭，見到鋪頭嘅裝修其實同以前差唔多，有種親切感。兩個人食飯叫咗個蠔仔粥，椒鹽九肚魚，金銀蛋浸時蔬。加多支啤酒。唔知係唔係新鋪，總係覺得啲嘢冇咁好食，好似退步左咁。尤其係椒鹽九肚，雖然個味好似，但係粉漿厚咗， ，結果搞到個口感出面有啲硬，而且有啲離肉。蠔仔粥就繼續保持水準，依然鮮甜好味。可能新浦新廚房，夥計仲未熟習啦。