4口

营业中

休息中

估唔到呢間咁文青Cafe Feel 既餐廳係食福建菜😲又幾好味wo。涼拌前菜松仁薑蓉菠菜，清新健康。臘味雞卷，好香既臘味味道，肥瘦豬肉比例剛好，唔會油膩，夾埋淡香既雞味，好夾。紫菜抱海蠣，落重本，勁多紫菜同蠔仔。鮮果荔枝蝦球，賣相真係成粒荔枝。外層鋪滿粒粒脆脆，而蝦肉彈牙，配左無花果同菠蘿解膩，正。黑蒜香煎龍躉扒，啖啖肉又無骨又厚身。廈門沙茶面，面質煙韌，個沙茶湯夠哂濃味，好多料， 溫泉蛋、蝦🦐、蜆、豬腩肉、魚片🐟同豆腐。綠豆餅外皮QQ 煙韌，綠豆內餡細滑，味道清甜😋。好好味，返到屋企已經想食第二次啦。