Odelice! (The ONE)

同朋友出尖沙咀 shopping，行到晚飯時段喺The One《Odelice》嘆個豐富晚餐。店內裝修擺設法國風情，好有特式。晚市雙人套餐，選擇多，價錢好合理，是日精選餐湯-蕃茄鷹嘴豆~上菜時已經聞到香濃蕃茄味，餐湯又香又滑，配兩塊法包多士。頭盤(3選1)-法國田螺配辣肉腸，普羅旺斯蕃茄醬汁。主菜(5選2)-A)法國油封鴨腿~絲絲鴨腿肉好淋好入味，鴨皮也十分香口，配菜有西蘭花苗，仲有黑松露薯蓉，紅桑子砵酒醬汁。B)阿根廷安格斯肉眼牛排~五成熟嘅牛排，切開見到鮮嫩粉紅色，入口肉質滑淋，香濃牛肉味，沾少少黑松露紅酒醬汁令味道更上一層樓，薯條炸得又香又脆。甜品(3選1)-冧酒燒菠蘿可麗餅~熱辣辣可麗餅鋪滿菠蘿粒，灑上杏仁片，淋上海鹽焦糖醬，與雲呢拿雪糕是好好的配搭。紅葡萄酒: 法國波爾多, 羅克福伯爵夫人；伯爵夫人(凍): 玫瑰伯爵茶。店員友善招待值得一讚。