莆田 (荃灣廣場)

营业中

休息中

之前已經同大家介紹過呢間福建菜，最近趁住新年到訪，今次見到佢哋新推出咗新春鴻運2人套餐($998)，過年未諗好食乜真心推介過嚟造節🧧第一道菜係鴻運發財鮑魚撈起，侍應會幫手將配料同醬汁逐款加入同介紹，仲會一邊講祝福說話，即刻有新年氣氛🤣鮑魚一人一隻夠爽口彈牙，其他材料包括蘿蔔絲、青紅椒絲、粉絲、糖瓜絲等等，食入口少少酸甜，加埋薑同蕎頭幾開胃🥢跟住就會上蘆筍XO醬帶子🐚帶子夠大隻，食落去都幾彈牙，而且炒得啱啱好冇過火，蘆筍同燈籠椒都有爆香過，加埋XO醬炒得好惹味🤪黑蒜番鴨湯湯頭清甜，而且入面有好多嚿鴨件，食落唔會嚡口，飲落去好暖胃，夠足料🥰跟住就到重頭戲——二人份嘅盤滿缽滿鮑魚大蝦盆菜🍲雖然話係二人份，但係其實都幾大煲，入面仲有鮑魚、大蝦、海參、瑤柱、花膠、蟶乾、花菇等，份量毫不吝嗇🤑成個盆菜食落去都唔會好鹹，而且福州魚丸入面有啲肉碎，食落去有啲肉汁，啲海味全部都好大隻，鹹香啱啱好，大蝦都煮到好入味，冬菇超～厚肉，最後食到超飽都要堅持帶走🤤食完相對重口味啲嘅盆菜，媽祖平安麵就好似媽媽咁食落去好舒服☺️平安麵有少少似陽春麵嘅麵質，應該係先爆香乾瑤柱、蝦米、冬菇、蟶子、腩肉等配料，再贊返個湯頭，