豆公館

营业中

休息中

之前社交平台見到呢間新開既豆品店新開已經想試下，難得今晚同朋友約到一齊黎食，超開心。 本來諗住豆品係輕食，點知叫叫下1都食到好飽。 佢張menu有中英文分開設計，都幾好，冇咁亂。 而且1版好似好少，但其實已五臟俱全。 一黎就係好想試下個滷水豆腐，果然大件又入味。 肉鬆蛋餅同鹹牛芝士蛋餅都好正，即叫即做，脆口又足料。 魚肉煎豆腐好出食，唔油膩而且魚肉好有口感又有魚香，真係想食多碟。佢地既老乾媽炒麵都真係好唔同，老乾媽落得好大方，好夠味，而且麵條好好咬。 炒米粉都係咁好味，真係好少再食到咁有誠意既炒粉麵。 仲有鐵板蛋煎腸粉都好一流，腸粉唔會太硬或太爛，咁既煎腸粉比起酒樓食真係好食好多。而佢最出名既豆漿同豆花都好綿滑。 叫左個泰茶麥芽桃膠豆腐花真係好好味。 呢間豆品店真係唔簡單，可以再食。