芽莊越式料理

营业中

休息中

行完 moko 心血來潮想食越南嘢，嚟咗芽莊食撈檬。⭐️脆皮蝦卷撈檬-越式撈檬要撈得好食，配料份量同質素極為重要。呢度嘅撈檬配料有花生碎，生菜，紅蘿蔔同青瓜絲，份量多到鋪滿碗面，切得幼細之餘極新鮮乾爽，加埋大大支魚露任撈，每一啖檬粉入口都掛滿汁同配菜，口感極佳👍🏻👍🏻👍🏻-主角蝦卷，外皮多層腐皮炸得香脆唔油膩，餡料蝦膠彈牙有蝦肉，極之美味😋😋😋😋⭐️河內魚餅撈檬-兩片大魚餅切開八件，外層炸得爽脆，魚肉厚得嚟扎實彈牙，鯪魚味濃😋😋😋😋$85一碗唔算平，但份量唔細對得起呢個價錢。美中不足係枱排得比較迫同環境較嘈，只宜快食唔適合坐低慢慢食傾計。