芽莊越式料理

偶然路過此越南餐廳，看見提供的午巿套餐還蠻豐富，有飯有麵，既然未嚐過，便即管試一試。前菜牛肉丸湯出色，湯頭清甜，牛丸緊實有嚼勁，充滿肉香。加$45加購的香煎墨魚餅煎得金黃香口，口感彈牙且鮮味十足，誠意推薦。主菜「越式香茅豬扒飯」絕對是亮點。豬扒經香茅醃製後煎香，味道濃郁惹味，肉質鬆化，配上流心的日式煎蛋與香噴噴的茉莉香米飯，令人食指大動。整體而言，這間越南餐廳的午市套餐以$118提供一道前菜、主菜及飲品。這裡的越南菜味道不錯，套餐組合豐富，是區內一個不錯的午餐選擇。…查看更多

行完花墟同雀仔街，差唔多六點幾，一出花墟見到Moko扶手電梯入口了，咁順便上去搵野食….上左Moko 行左一陣，都唔知食乜好，見到芽莊唔諗吖咁順便入去… 因為今日都係黃金週，所以早啲食費事之後會多人等。叫咗個安格斯生牛牛爽腩湯檬同一個蕃茄蟹肉湯檬，兩個都好惹味，湯底和d 食材都唔錯，易入口好味，另外叫左兩杯嘢飲…..杯咖啡麻麻地，沙冰就ok正常, 食物上佢地係keep到水準，$100多啲都正常… 👍👍👍…查看更多

今日同男朋友喺附近搵食，俾我哋發現咗呢間越南餐廳嘅午市套餐真係**「抵食夾大件」**！$118起就有齊**頭盤、主菜同飲品**，選擇仲幾多添，二話不說就坐低試吓！**每人一SET，試多啲款！*** **我嘅SET ($118)：** * **頭盤：牙車快沙律** - 一上碟就見到顏色好靚！椰菜絲、紅蘿蔔絲好爽脆，加上花生碎同越式魚露酸甜汁，**開胃到震**！好清新，夏天食一流，份量亦夠晒。 * **主菜：雞絲越南河 (Pho Ga)** - 個湯底真係要讚！**清澈得嚟充滿肉香**，飲落好鮮甜，一啲都唔油膩。雞絲份量唔少，好嫩滑，配上幼滑嘅河粉、洋蔥絲、香茜，**經典好味**！食晒成碗都唔覺滯。 * **飲品：凍白桃柑橘茶** - 呢個有驚喜！**白桃味好清香**，加上淡淡嘅柑橘酸香，**好解渴消暑**！甜度適中，配濃味嘅越南菜好夾。凍飲唔使加錢。* **男朋友嘅SET (同樣$118)：** * **頭盤：越式炸魚餅** - 熱辣辣上碟！外皮**炸得金黃香脆**，入面啲魚肉好彈牙，蘸埋個甜酸醬，**香口惹味**！好有越南風味嘅小食。 * **主菜：牛肉湯河** - 佢話個湯底同我碗雞絲河嘅一樣咁正，鮮甜清香。牛肉片生熟度啱啱好，唔會韌，浸喺熱湯入面慢慢變熟，**夠晒嫩**！ * **飲品：熱柑桔茶** - 暖笠笠，柑桔味突出，微酸帶甜，**好潤喉**，佢話食完濃味嘢飲返杯好舒服。…查看更多

行完街想食越南野周圍都唔多選擇，行過見到芽莊就想試吓，我哋幾個人都叫左生熟牛肉湯河，我哋不嬲對牛河都有要求，牛肉+湯底+河粉都好緊要。佢哋既牛肉湯河都算用料上乘，湯底湯郁，最緊要係份量好夠一定食得飽。另外，我哋叫多左份鮮蝦米紙卷，食落好清新加上醬汁好醒胃。…查看更多

等位數都唔少，不過都好快入座環境都幾好，服務員全部都好忙碌，不過手腳都好快食物方面全部質素都唔錯，都係好好食條魚就等咗四個字，所以都好期待食落去都真係唔錯就係個芥蘭苗真係好好食…查看更多

禽日同好朋友去食，啱啱傾開，佢講原來佢果碗野啲雞絲河有啲酸酸地。唉，我諗我以後都唔會再去芽莊！！！先前住屯門成日幫襯樓下間芽莊；返工喺新都會都久唔久有幫襯，都無問題。禽日同朋友去開新世紀，佢話未食過，我就帶佢去食。點知瀨野！去到都唔多客，我同朋友都拎住大袋野，叫咗兩次佢俾張大啲嘅檯佢又唔彩我，想叫多啲野都唔得啦。我自己次次都一定會叫嘅牛三寶，啲牛展同爽腩韌過象筋硬過車胎，我全部真牙無假牙都咬唔開，我今次介紹朋友黎，我唔好意思影相。點知佢今日講啲雞有啲酸，真係無面。最後都要揾返張單出黎寫食評。食食吓，隔離檯黎咗個女仔又係叫咗我呢款河，佢催咗6次啲啤酒到我食完走都未黎，呢啲咁嘅服務態度，真係倒米。尤其是個男侍應。無論食物定服務都差。環境比葵芳同屯門都好，但食物差服務差！！！…查看更多

多年好友跟我補祝生日，選擇位於旺角新世紀廣場的越南餐廳「芽莊越式料理」，座位多偏狹窄，店員服務態度一般，欠缺笑容-🔹西貢牙車快 $108材料有雞絲、花生碎、青瓜絲、胡蘿蔔絲、椰菜絲、芽菜、紫洋蔥、乾蔥、薄荷葉、九層塔及豆角等，以黑芝麻脆餅盛載著雞絲屬雞胸位，緊緻柔軟；花生碎香脆可口；蔬菜新鮮爽甜，配搭輕酸開胃的醬汁，吃到食物的原味道，清新健康-🔹鑊仔牛柳 $178附以沙律菜，有生菜、薄荷葉、車厘茄及炸芋頭絲牛柳粒份量充足，口感嫩滑且肉香濃郁，充滿黑椒味道；配搭番茄、紫洋蔥及蒜仔等，惹味無比…查看更多

今天我去芽莊試了豬扒煎蛋飯，整體來說是一次愉快的用餐體驗。豬扒煎得非常香，外層金黃酥脆，內裡保持嫩滑多汁，調味剛好，不會過鹹。煎蛋的火候掌握得宜，蛋黃微微流心，與豬扒的鹹香好夾。配菜方面，清脆的新鮮生菜和酸甜的刨絲紅蘿蔔令整個餐盤色彩繽紛，亦為味蕾帶來清新的體驗。旁邊的滷肉則是另一個驚喜，滷得入味，鹹甜適中，與飯一起吃特別開胃。整體而言，這道菜的份量適中，價格合理，是一個值得推薦的選擇。不過，如果能在豬扒上加入更多的香草或香料，相信會更具層次。無論是朋友聚餐還是獨自享用，這個豬扒煎蛋飯都不會讓人失望。下次有機會再來，我一定會再點這道菜，並期待探索其他的越南美食。…查看更多

5月5日星期日下午。在MOKO發現這個介紹無肉之選的餐廳牌子。我再到Openrice查找其中幾間有甚麼素食選擇。因為餐廳可能只提供一至兩款素食。當中可能有五辛，可能含蛋奶等。也需要看看價錢是否太貴。最後我們選了芽莊越式料理。當時客人不算多，我們很快便入座。我們的座位一邊是沙發座椅，一邊是靠背木椅。挺舒適的。餐桌大小適中，放置食物後還有空間放其他物品。餐桌上早已放置碟子、飯碗和小碗。分享餐點時可以用。不過，我們各自點了一份食物。結果後悔了。因為食物份量很大呢！媽媽吃不完全部，我則勉強吃了，肚子很撐。應該點一份主菜和一份小食分享食用。牛油果野菌豆腐素檬，$98。配菜份量多，款式又多。有半個牛油果、大約是四件炸豆腐、炸雜菌等。牛油果口感十分軟滑。炸豆腐外脆內嫩滑。炸雜菌沒有很油膩的感覺。我忘記了那是撈檬。需要伴醬汁來吃。餐桌上那一瓶是魚露，我們不能吃。所以，我請問店員可否給我們普通醬油。店員答應我後再轉回來，問我是否吃素。她可以叫廚師替我們做素魚露。那當然是好了。有喜出望外的感覺。雖然要等一會兒，那貼心的服務卻是值得的。…查看更多

今日去咗芽莊試咗佢哋嘅生牛肉湯河同雞翼，真係要同大家分享一下呢個美食體驗😋。🥢首先講下生牛肉湯河，佢哋嘅湯底真係好足料，清甜又唔油膩，飲咗一啖後即刻感覺到用心熬製嘅味道。牛肉片切得好薄，放入滾燙嘅湯底裡面煮得啱啱好，肉質鮮嫩，入口即溶，真係一絕🍜。河粉亦都煮得啱啱好，唔會太軟或者太硬，配合埋香菜同其他配料，整碗湯河啱啱好👍。至於雞翼，佢哋用咗獨特嘅香料醃製，外皮炸得脆口但又唔會太油膩，內裡肉質保持嫩滑，每一口都充滿香濃嘅味道🍗。配搭埋生牛肉湯河一齊食，真係令人回味無窮。整體嚟講，芽莊嘅生牛肉湯河同雞翼真係值得一試，價格亦都合理，服務態度亦都好好。如果你都鍾意越南菜，呢度絕對係唔錯嘅選擇😄。下次再嚟試吓其他菜式！👍🌟🌟🌟🌟🌟…查看更多

味道係ok嘅，但服務態度真係差。夜晚行完街，想食越南嘢，就黎左排隊。見唔係太多人，應該有6個，當時8:15,見都排得算快，大概5分鐘入一枱，到9點，都入哂，得返我同我朋友，等左陣個門口帶位好無禮貌咁問我同朋友，你地係咪想食架？我係門口拎住張飛，排咁耐，當然係想食飯啦，就答佢，係呀！佢就同我地講，我地收9點10,食就快d落order!全程態度勁差，好似我阻佢收工咁。坐底之後先發覺原來鋪入面係有四，五枱吉位無人坐嘅，無人又點解要人係門口排咁耐呢，侍應態度又差！門口個個唔想做，建議其實可以辭工！客人係嚟食飯，唔係你受佢氣！…查看更多

喺MOKO行行吓有啲肚餓，就去芽莊唞一唞。🐂河內生牛肉粉⭐️⭐️⭐️⭐️湯底唔錯，九層塔同洋蔥份量都多，所以成碗湯都幾香。牛肉份量都算多，幾爽口。整體屬於預期水平。（賣相唔特別，又行到太攰，忘了影相🫡）🐖濱海伴慢煮五花腩⭐️⭐️⭐️⭐️⭐️呢碟好有驚喜，大推介。豬腩肉半肥瘦，燒得好香。面頭少少焦脆，中間保留到肉汁，中和肥膏部份。肉質嫩滑，睇返Menu，原來係用純素穀飼豬腩，唔怪得咁好食。雖然有啲邪惡，但我真係會為呢度菜再返嚟。濱海，已經分開了一楷楷，食落幾方便，又唔太油膩，配合埋爆香咗嘅蔥、蒜、蔥油花生，滋味啊！佢越南香葉菜都唔少，夾埋豬腩肉、濱海一齊食，清新得來好滋味，香、脆、爽、綿結合，超正。…查看更多

行完 moko 心血來潮想食越南嘢，嚟咗芽莊食撈檬。⭐️脆皮蝦卷撈檬-越式撈檬要撈得好食，配料份量同質素極為重要。呢度嘅撈檬配料有花生碎，生菜，紅蘿蔔同青瓜絲，份量多到鋪滿碗面，切得幼細之餘極新鮮乾爽，加埋大大支魚露任撈，每一啖檬粉入口都掛滿汁同配菜，口感極佳👍🏻👍🏻👍🏻-主角蝦卷，外皮多層腐皮炸得香脆唔油膩，餡料蝦膠彈牙有蝦肉，極之美味😋😋😋😋⭐️河內魚餅撈檬-兩片大魚餅切開八件，外層炸得爽脆，魚肉厚得嚟扎實彈牙，鯪魚味濃😋😋😋😋$85一碗唔算平，但份量唔細對得起呢個價錢。美中不足係枱排得比較迫同環境較嘈，只宜快食唔適合坐低慢慢食傾計。…查看更多

田園素咖哩，餐牌淨係寫咖哩，菜，九層塔，來到時沒有九層塔香氣，仲有蛋花。不是每個素食者都食蛋的好嗎！結果要帶走俾人人食，成餐飯連飲野加一成200蚊，結果淨係白飯加咖啡。埋單時侍應答有銀聯，我再問淨係得銀聯? 佢都係答有銀聯，明明OpenRice 寫有visa果d,結果焗住俾現金…查看更多

食物質量越來越差！牛油雞翼根本冇熟，入面係生嘅通菜梗係苦嘅生同苦嘅食物都可以俾客人食？！？！？！服務都好差，完全冇因為食物問題道歉。。。。。。勸大家真係唔好去！！！…查看更多