古琴雅苑 (太子集團中心)

营业中

休息中

今日舊曆生日， 家姐知我鍾意食片皮鴨 ， 專登請我嚟呢度食， 原先五個人諗住食個千幾蚊嘅餐再加餸， 但好彩我話覺得太多，不如散叫食住先，唔夠再加。叫咗片皮鴨半隻，嚟到一望已經覺得勁搵笨😒跟住嚟埋個脆膳球，簡直係離曬大譜😠， 完全圖文不符到離天百丈遠， 小籠包皮厚冇湯汁， 仲要厚皮但仍然一夾就穿， 鴨鬆炒飯騷味濃陏，一食就知隻鴨極度差， 上海粗炒冇鑊氣又唔好味， 唯一比較正常就係個 上湯元貝浸菜苗， 再上甜品高力豆沙又係攞你命， 人哋嘅高力豆沙香甜鬆軟， 佢嘅高力豆沙就死實實不特止仲要係擺明整好咗放喺個焗爐之類嘅地方就咁烘住嘅，又乾又柴， 總之點嘅餸菜都冇樣好食又細碟，好彩懸崖勒馬臨時cut單唔叫咁多嘢， 唔係真係蝕到眼坦坦😵