古琴雅苑 (太子集團中心)

想食到正宗又好味嘅片皮鴨可以試下位於尖沙咀嘅古琴雅苑，仲有夜景睇，環境古色古香🌃✅烤北京填鴨古琴雅苑烤北京填鴨師承北京「全聚德」，選用上乘北京填鴨，以傳統掛爐烤製，烤鴨新鮮出爐🦆烤鴨皮脆肉嫩，有多款配料配搭，而且配料仲可以免費添加😍😍經典京醬、青瓜、京蔥配搭係傳統食法，配蜂蜜黃梅醬反而減少油膩感呢間烤鴨店仲有得食一口酥，即係鴨胸最上嘅皮，油香十足，配砂糖最夾配料：青瓜、京蔥、蜜瓜醬料：京醬、蜂蜜黃梅醬、砂糖✅古琴鴨肉炒飯套餐可以三選一，我地選咗炒飯，炒飯飯粒分明，充滿鴨香味✅糖水紅糖桂花湯圓：湯圓用咗薑湯住，驅寒暖胃腰果露：就咁望個樣無特別，但係口感好順滑，香甜可口有驚喜💛好味指數:4.6/5💜回頭指數:4.6/5📍古琴雅苑 (太子集團中心) (尖沙咀)尖沙咀北京道12A號太子集團中心15樓…查看更多

同朋友嚟到尖沙咀食嘢，因為想食吓中式菜，所以嚟到呢間餐廳餐廳嘅空間比較細，但係當日都坐滿人，生意幾好。當時仲有好多唔同嘅二人餐以及四人餐，任君選擇，依間餐廳比較出名嘅係食北京填鴨，所以我哋叫咗個北京填鴨配冬瓜鴨架湯，另外再加咗個蟹粉炒飯。北京填鴨嘅質素真係相當唔錯，皮薄餡靚，而且仲有哈密瓜可以夾埋一齊食，都幾有新鮮感。醬汁亦都調配得幾好，酸酸甜甜鹹鹹地🤣反而幾鍾意呢個冬瓜鴨架湯佢好夠熱，亦都好足料鴨味香濃，冬瓜亦都炆得好淋，好入味。最後再食埋呢一個蟹粉炒飯，炒飯底都幾好，而蟹粉嘅味就偏淡。…查看更多

見而家有烤鴨易食餐咁抵先黎，叫個餐同甜品，兩公婆滿足食唔洗$500，算係咁。二食北京填鴨半隻，另加一樣3選1 - 鴨湯、鴨炒飯或者涼瓜燜鴨架。鴨架上檯夠熱係合格，香濃芡汁炒涼瓜清清地甘甘地，鴨架有肉有軟骨有皮，都幾香，每樣野做到恰到好處。北京填鴨份量都唔少，出名嘅一口脆係最油香，其餘鴨片好平均多皮少肉，餅皮、配料、醬料都足夠，2人食呢個餐都夠滿足。另叫左高力豆沙，有蛋白香，中間嘅香蕉肉同豆沙，有香味而且少甜，岩哂喜愛少甜嘅客，包括我。…查看更多

跟長輩來吃午餐，人流不多，環境清靜，自然光線充足，還看到少少海景，適合傾偈 。前菜是中式泡菜 ，偏甜 。食物整體口味都偏北方，濃厚、大份 。選了烤鴨2食套餐，片皮鴨份量不少，肉和皮都有，配料選擇多 ，有哈蜜瓜、青瓜等，但乾水了點；片皮鴨醬濃而偏甜。一口酥鴨皮脆而油份超充足，能吃到一口鴨油，果然要點糖或梅醬，以平衡滋膩 。冬瓜鴨架湯，2人份量來說也是巨大，賣相也有北方粗獷的感覺，大切豆腐+冬肉蓉+鴨架 ，湯頭濃 ，鴨味則在鴨肉中 。小籠包也是北方風味，皮不會一戳即破，肉質緊實 。茶位$18/人，茶的口味有少見的選擇，今次我點的是玫瑰荔枝，喝到玫瑰荔枝味 ，會加茶，不錯 。留意番，特價餐的+1服務費，以原價計算 。…查看更多

今日加左人工想食好d,就決定去食古琴雅苑最出名既片皮鴨，好多好評不過又真係好食，環境又好坐得又舒服👍🏻有個新出既片皮鴨兩食半隻烤北京填鴨配埋古琴鴨肉炒飯都只係 $309烤鴨賣相精味，d鴨肉都夠多，配料款式多元化，有京蔥、青瓜條、哈密瓜條，烤鴨醬、梅子醬同砂糖，自己可以跟據口味配搭，個麼麼皮都好煙韌，非常出色鴨肉炒飯好香好惹味，夠哂鑊氣仲叫左一客小籠包，皮薄餡靚，夠哂肉汁，熱辣辣食very nice…查看更多

預早一日book 左三位，早左五分鐘到，個時得半場有人，係都要逼我哋三個坐張細嘅圓枱，側邊有一棟汽水同埋喺正出菜位隔離，要跨過隔籬枱位客人先可以入到去坐，我地問職員可唔可以坐四人枱，佢話唔得，就俾咗個籃係地下擺袋因為未叫野食，我哋就已經想走，職員見到我哋想走先至話俾四人枱我哋🤦🏻‍♀️嘢食叫咗片皮鴨，鮑魚炒豬肉（咁上下）、糖醋骨、松子魚、小籠包加兩個甜品，片皮鴨都仲可以，其他嘢食真係一般般個，松子魚係腥嘅…查看更多

呢間北京烤鴨餐廳都幾出名，今次同朋友一齊去試下。餐廳環境幾舒服，燈光柔和，坐位有圓枱同卡位，適合家庭或者朋友聚餐。我哋點咗個套餐，包括半隻北京填鴨同冬瓜鴨架湯。烤鴨一上枱已經聞到香味，鴨皮脆卜卜，鴨肉都唔會太乾。配料有青瓜、哈蜜瓜、韭黃同埋幾款醬汁。餅皮係即蒸，熱辣辣，包住鴨肉一齊食真係好正。仲有一口酥，好似薯片咁脆，點砂糖一流。冬瓜鴨架湯都唔錯，湯底清甜，飲落有鴨味但唔會太油膩，入面有冬瓜，豆腐同鴨架，啖啖料。另外我哋仲叫咗上海炒年糕，炒得夠鑊氣，年糕煙韌，配料有京蔥、豬肉絲同冬菇，味道唔會太重口味，幾適合配烤鴨一齊食。…查看更多

Blue Monday收工後要食好西朋友話想食片皮鴨 於是去咗古琴雅苑之前食過幾次 周圍都有分店 好方便而家晚市仲有set2人、4人、6人或更多都有唔想要set嘅散叫都可以烤鴨易食（2食）半隻鴨加涼瓜燜鴨架/冬瓜鴨架湯/鴨肉炒飯$309有2樣嘢 都幾抵食 就決定要呢個片皮鴨半隻份量都唔惹少唔算好肥 但色澤油潤豐滿皮薄 香而不膩食落肉質嫩滑 油脂恰到好處 食落唔騷☺️餅皮熱辣辣上枱 每塊都隔開蒸 唔會癡住晒 夠貼心加埋青瓜、哈密瓜、京蔥夾埋一齊食 中和咗味道又帶點清爽 口感又多咗幾個層次仲有細碟嘅鴨皮 like!配埋甜麵醬、砂糖同黃梅醬 係北京地道嘅味道👅鴨肉炒飯份量比想像中大碟裡面有好多鴨肉炒飯粒粒分明 簡單加咗雞蛋同蔥已經好香食得好開胃👍🏻小籠包新鮮蒸起 即叫即整已經加咗分底部用紅蘿蔔薄片隔住蒸 夾起時就唔怕整穿好貼心❤️皮夠薄 裡面餡料很豐滿仲有湯汁湧出 好香好好食😋…查看更多

爸爸生日，買左6人套餐，小籠包好食，片皮鴨OK, 份量足，服務雖然尚可，惟唔會再去幫襯因為地方細枱貼枱坐得唔舒服，樓底矮地方窄所以好嘈，男女洗手間各只得1格，人有三急排長龍，非常尷尬又唔方便。…查看更多

Me and my wife went for lunch. Around 12pm noon time. Ordered a few dishes including the Peking duck. All the dishes were average at best. The Peking duck I suspect was from the day before. When it came to the table it was completely cold. Ate a few piece that had the skin which was still ok and edible, but when I tried the pieces that had just the meat, I had to spit it out. never coming back. Quality does not warrant the price.…查看更多

🦆 烤鴨易食 (2食) $299 ★★★☆☆✨️ 烤北京填鴨半隻+冬瓜鴨架湯👉🏻 配料有哈密瓜、青瓜、大蔥、酸梅醬、烤鴨醬，幾豐富小籠包 (6件) $85 ★★★☆☆👉🏻 即叫即蒸，皮薄肉多💬 正常發揮，但$85得6粒真係偏貴!意大利黑醋骨 (例) $158 ★★☆☆☆👉🏻 餐牌上推介菜式，但伏味濃!💬 上枱嗰陣有少少比個樣嚇親😅黑醋骨食落夠酸但肉質偏韌，唔建議叫蟹粉扒小棠菜 $168 ★★☆☆☆👉🏻 賣相與餐牌嚴重不符!💸 伏筆位：食飯前被店員推薦買現金券，但真係試過一次就夠，唔會有下次！整體嚟講環境算唔錯，但食物質素同價錢唔成正比！烤鴨合格但其他菜式明顯失色，$300烤鴨同區有更好選擇～試一次就夠，唔會返轉頭。📍古琴雅苑 (尖沙咀)尖沙咀北京道12A號太子集團中心15樓…查看更多

不嬲都好鍾意食片皮鴨😍於是就帶左屋企人佢地黎呢間‘古琴雅苑’食鴨🥰環境好乾淨 座位十分寬敞 坐得好舒適 人均$150左右 午市仲有唔同嘅套餐 食物既上菜速度好快 店員十分忙碌 但系所有食物都熱辣辣！‼️-🦆烤北京填鴨+鴨架湯 $299黎到呢到 點可以唔講佢地既重頭戲！四人套餐雖然只有半隻鴨 但系非常夠食！一開始會先送上一小碟的烤鴨皮 配埋砂糖+黃梅醬 當餐前小食！又薄又酥脆！油脂滿滿！片皮鴨的配料除了常見的青瓜、京蔥與甜麵醬 仲有哈蜜瓜 香甜又解膩🥰 片皮鴨肥瘦均勻 烤得唔錯 一啲都唔騷 油脂感豐富 皮脆肉嫩 將片皮鴨及配料捲起來食 真系好滿足😍 餅皮厚薄適中 好軟熟煙韌！-小籠包（6件） $85即叫即蒸嘅小籠包熱辣辣 一咬落去爆晒湯汁皮薄餡多 屋企人食完都大贊正宗又好食～…查看更多

好耐無食片皮鴨，上op見到呢間餐廳幾多人推薦，而且仲有2人餐,仲有訂座優惠，可以食到片皮鴨，所以選了尖沙咀分店試試。餐點選擇都幾多，而且有多人套餐，幾適合一家大細來用餐。先上茶及花生，桂花烏龍茶非常好飲，尤其配烤鴨食更解油膩。食上海菜點少得小籠包！湯包非常夠熱，咬落有滿滿湯汁，一籠有6粒，2人食剛剛好。烤北京填鴨半隻，鴨皮烤得非常香，尤其帶小小肥膏的位置，油香十足，食落真係無得彈。而片皮鴨配料非常有誠意，有哈密瓜，青瓜及大蔥，配烤鴨醬及酸梅醬，味道酸酸甜甜，食多幾件都唔覺太油膩。而蒸薄餅皮薄軟熟，用來包住烤鴨，每啖都好滿足。因為好喜歡飲湯，而屋企比較少煲鴨湯，所以點了個冬瓜鴨架湯。湯內有幾件烤鴨架，還有冬瓜及豆腐，湯頭濃郁充滿烤鴨香，推薦～…查看更多

網上見到呢一間中菜館， $299可以有半隻片皮鴨，而且仲係一鴨兩食，所以今日特登嚟試吓。星期六12點左右上去，得幾台客人，我哋被安排咗坐窗邊卡位，呢度環境都幾開揚，雖然附近好多高樓大廈，但係其實都望到少少維港嘅海。半隻片皮鴨，配冬瓜鴨架湯($299)上菜速度好快，呢度嘅片皮鴨，肉係比較多啲嘅，佢哋嘅鴨皮好脆身，好香口，配料都幾足，有青瓜，蜜瓜，蔥，酸梅醬，北京填鴨醬，糖。皮都俾咗好多塊，大概兩個人食，每人都有6塊左右。個湯有啲失望，飲唔出鴨味，雖然佢的確有好幾件大嘅鴨骨/肉喺入邊，但係係作為一個普通冬瓜湯嚟講，都幾好飲，幾清甜。南翔小籠包($85)每次食上海嘢必點，呢度嘅小籠包雖然唔算皮簿，但係佢哋嘅湯汁都幾多，而且肉質好實淨，質素都係合格嘅水準。上海粗炒麵($118)最後仲叫咗個主食，中規中矩，味道適中，份量都幾多。$300唔使可以食到半隻片皮鴨(2食)，其實而家喺香港算幾抵，有興趣嘅朋友都可以嚟試吓。…查看更多

今次嘅中式餐點令人驚喜連連，特別係四喜烤麩，口感滑嫩，香氣四溢，配上獨特嘅醬汁，令人忍唔住多食幾口。意大利黑醋骨嘅味道濃郁，酸甜平衡得宜，十分開胃。南翔小籠包嘅湯汁豐盈，餡料新鮮，每咬一口都可以感受到肉汁嘅鮮美。烤北京填鴨嘅肉質酥脆，皮薄肉嫩，搭配鴨卷餅及配料，口感層次分明，令人陶醉。杞子桂花糕嘅甜度適中，香氣四溢，係結束呢頓豐盛餐點嘅完美選擇。津白雲吞湯清淡鮮美，湯頭清澈，恰到好處噉襯托咗雲吞嘅滑嫩。風味松子魚同農家醬爆牛肉都展現咗廚師嘅高超技藝，松子魚嘅香脆同牛肉嘅鮮香相得益彰。金腿濃湯煮津白則係另一道亮點，湯濃味美，令人暖心。整體而言，呢餐餐點無論係色香味都令人滿意，令人回味無窮。…查看更多