宴 尖沙咀

尋日同朋友去咗尖沙咀嘅宴食晚餐，試咗佢哋嘅火鍋套餐（任食），感覺真係好滿足！首先，套餐入面嘅松葉蟹係我哋最鍾意嘅部分。蟹肉新鮮又甜，特別好食，最正嘅就係任食，可以盡情食到唔停口！而特上宮崎和牛都好唔錯，牛肉質地非常嫩，脂肪分佈均勻，咬落去幾乎冇咩阻力，味道好濃郁，搭配火鍋湯底食真係唔錯。講到湯底，有兩種選擇—醬油湯同豬骨湯。醬油湯帶有咸香嘅味道，適合鍾意濃烈口味嘅朋友；而豬骨湯則味道濃郁、帶有淡淡嘅骨香，令人飲落去好暖心。三點刺身拼盤真係唔可以唔提，刺身質地非常鮮嫩，三款魚生都好滑，唔會腥，味道啱啱好，而且切法唔厚唔薄，真係好正。時令野菜拼盤就為整頓餐加咗啲清新感，唔會覺得好重口味，真係相當平衡。 日本豚肉唔多唔少，薄切嘅豚肉肉質緊實，搭配番自家獨特嘅火鍋，滋味十足。今次嘅火鍋套餐真係唔錯，任食唔單止唔會降低食物質素，餐廳嘅環境都好舒服，服務都唔錯，食到好開心，真心推介畀大家！👍🏻P.S. 餐廳仲有每日10點後嘅宵夜8折，鐘意夜晚食嘅朋友可以留意下～