影片
更多
2019-01-19
142 浏览
上星期同事們話, 1月最尾過幾個星期,日日都有人唔係公司,話不如提早團年囉! 大家都話,都好啊,唔係新年前都唔會齊人食唔到團年飯! 傾下傾下,大家話不如去九龍城食泰菜啦! 泰菜喎,緊係要食黃珍珍啦! 話晒最出名係呢間喎! 同事book位時,話近排黃珍珍出左個12人set傳統泰菜set,話最啱一大班人食喎! 又幾好喎,一於食呢個啦! 個set乜都有,幾豐富喎!頭盤:柚子沙律大大粒既柚子肉,超多啊,酸酸甜甜咁,好fresh,又醒胃! 配埋個汁,有好重既青檸汁,但又有d鹹鮮既魚露味,好爽口之餘,又有d辣辣地,幾好食!香辣海中霸伴青芒果絲海中霸原來即係紅寶石魚黎喎,waiter講話呢種魚又大又好肉地,最適合炸香,食條魚既香脆嫩滑口感! 哇...聽到都覺得好味啊! 炸既魚又點可以無精粹既汁呢,原來大廚係用香辣汁黎煮,再配d酸酸地好開胃既青芒果絲,幾好食喎!雜錦沙嗲串燒泰國野又點可以無串燒呢?豬牛雞一定樣樣齊,不過食串燒最精彩一定係個醬! 呢度個沙嗲原來係泰南煮法,偏馬拉做法,重椰汁,黃咖喱,花生碎!配埋鮮嫩無骨既串燒,真係好好食啊!火燄燒雞下一度主菜終於黎啦,火燄燒雞啊! 原來係用原只走地雞,先
傾下傾下,大家話不如去九龍城食泰菜啦! 泰菜喎,緊係要食黃珍珍啦! 話晒最出名係呢間喎! 同事book位時,話近排黃珍珍出左個12人set傳統泰菜set,話最啱一大班人食喎! 又幾好喎,一於食呢個啦! 個set乜都有,幾豐富喎!
頭盤:柚子沙律
大大粒既柚子肉,超多啊,酸酸甜甜咁,好fresh,又醒胃! 配埋個汁,有好重既青檸汁,但又有d鹹鮮既魚露味,好爽口之餘,又有d辣辣地,幾好食!
香辣海中霸伴青芒果絲
海中霸原來即係紅寶石魚黎喎,waiter講話呢種魚又大又好肉地,最適合炸香,食條魚既香脆嫩滑口感! 哇...聽到都覺得好味啊! 炸既魚又點可以無精粹既汁呢,原來大廚係用香辣汁黎煮,再配d酸酸地好開胃既青芒果絲,幾好食喎!
雜錦沙嗲串燒
泰國野又點可以無串燒呢?豬牛雞一定樣樣齊,不過食串燒最精彩一定係個醬! 呢度個沙嗲原來係泰南煮法,偏馬拉做法,重椰汁,黃咖喱,花生碎!配埋鮮嫩無骨既串燒,真係好好食啊!
火燄燒雞
下一度主菜終於黎啦,火燄燒雞啊! 原來係用原只走地雞,先燒好再配上三色椒&菠蘿 (聽落好似咕嚕肉,呵),然後原只上台! 咁點解叫火燄?原來waiter會淋酒係雞度再火燒!藍藍既火光,真係見到都流口水啊! 食落口雞肉嫩滑,酸酸甜甜咁,正!
酸辣海鮮湯
傳統既酸辣湯,初先我以為係冬蔭功添,原來係青湯黎既,飲落去....真係。。好酸。。。好過隱啊! 入面好重檸檬味,亦見有大量魚,蝦,蟹,青口等海鮮,勁足料啊!飲完好醒胃!
馬拉盞通菜
食左幾樣野,有少少飽啦,不過同事話陸續有來,但先上個馬拉盞通菜食下!個馬拉盞好香辣,蝦味好濃但又唔會鹹,炒通菜一流!
M6級咖喱炒辣蟹
通菜食完啦,另一道大菜終於到啦! 咖喱炒辣蟹啊! Myfl飛佛啊! 呢度d蟹真係比出面大隻好多架,waiter話呢隻係M6級大肉蟹,係黃珍珍首創架! 肉蟹又大又多膏,好邪惡啊! 唔理啦，食左先講...我就鐘意食蟹身多d,因為索咖哩汁索得多d! 蟹肉真係結實d喎...一梳梳,好食!
咖喱汁好香濃又帶甜,好夾蟹肉既甜味! 不得不提既係配埋法包,點埋咖喱汁食,無得彈啊!
菠蘿炒飯
最後一道當然係最classic既菠蘿炒飯啦,原只菠蘿上,再配上不同既海鮮,同肉鬆提子干,都唔錯! 食左碗即係飽到上心口,ha!
甜品併盤
甜品既併盤又真係夠豪華,好多款可以選擇! 不過我最like個椰青糕,waiter話原來係用椰青水黎整架,所以唔似出面d椰汁膏咁甜,清清地帶有點椰青味,好味!
wooo...呢餐真係堅飽啊! 希望大家都過個好年,下年會更好!
张贴
