楚撚記大排檔

营业中

休息中

預約咗好耐，終於去咗食呢間「大排檔」！裝修絕對滿分！ 於打卡嘅角度絕對可以介紹俾啲周圍影相嘅朋友，同埋外國朋友！雖然街上面嘅大排檔一定最正宗，但都真係唔係好多人接受到坐喺街邊！超懷念細個食嘅豬油撈飯！每人一個是基本，用咗好啱色調嘅醬汁勺，自己落自己鍾意食嘅份量！注意返，記得一定要趁熱嘅時候撈勻佢！ 浸香味不得了！香煎黑松露手打蓮藕墨魚餅我哋呢啲香港大嘅去到啲咁傳統地方，梗係要食啲fusion野😆😄😄！松露味呢就唔係好夠㗎啦，但係又真係煎到金黃色，好香口！ 調味好好！仲帶咗好多其他嘢食嘅，食物嚟講除咗個豬油撈飯之外，其他嘢都正正常常普普通通～～ 但係打卡呢度就真係唔輸得！ 靚既！ 分時段食飯，要影相定係要食飯就要自己決定好～～ 表示一路食飯，一路都見到好多人打卡！