樂意點心

营业中

休息中

間唔中就會好想食籠仔蒸飯，諗起就一定會嚟呢間～不過每次嚟親都要攞飛等位，因為實在太好生意喇！！一來係價錢，性價比非常高，二來當然係食物好有質素啦～佢嘅點心真係唔錯！！雲腿雞腳燉鮑魚：佢個燉湯除咗份量非常足夠，大大盅之外，味道仲好唔錯，十分之足料！！有雞腳、鮑魚、雲腿、螺頭……所以甜到一個點，兩個人飲都夠！花雕蛋白臘腸蒸紅花蟹籠仔蒸飯：我記得我食過豉汁蒸帶子、龍蝦～今次就試下花雕蒸蟹，個蛋白香到呢～～🥰😋又滑又好味，索曬啲蟹汁同埋臘腸香味，淨係一羹蛋白都可以送半碗飯！😅🤭蟹肉都幾鮮甜🥰👍🏻點心：芥末鵪鶉蛋燒賣、麻辣牛柏葉、蘿蔔絲酥～每款都好有水準未到調得唔錯即叫即蒸熱辣辣上枱～呢間舖頭最特別嘅係，雖然佢係中式點心同蒸飯店，但係佢竟然有果茶同楊枝甘露可以叫，不過今日有兩聲咳，飲壺普洱就算喇！！