張公子

营业中

休息中

最近喺「張公子」再度尋寶，呢間餐廳越食越上癮，真係我近期嘅新寵。以往食開佢哋招牌嘅「世一叉燒」，依家決定試吓其他出品，點知又係咁驚喜！公子牛勒排，絕對係牛魔王之選，肉質香濃又嫩滑，油脂分佈得恰到好處，每啖都肉香四溢，食完真係有幸福感。「豉汁聖子煎米粉」又係一大驚喜。聖子鮮甜剛熟，火喉控制得極好，啖啖都充滿海水鮮味。墊底嘅米粉吸曬豉椒汁同蟶子嘅精華，完全唔會乾巴巴，反而口感豐富、有層次。至於「大蝦多士」，誠意十足！用原隻新鮮海中蝦整，多士外脆內軟，一咬爆汁，做開胃前菜又得，配杯白酒或者清酒更係一流，送酒之選。最欣賞就係「張公子」唔怕玩新意思，經常有新菜式推出，每次到訪都有新鮮感，食極都唔悶，食客好似我呢啲，都樂此不疲。