雪下覓炙

营业中

休息中

好日子要慶祝一下，當然食肉食盡佢~海港城入面嘅雪下覓炙呢排好出名，地方四正，環境優雅，枱櫈都夠晒闊落，先講成晚落黎嘅感覺，食物質素對得住個價錢，而且重點係燒肉嘅時候完全冇吹d油煙出黎，走嘅時候衫褲完全冇臭味！同女朋友想每樣都試下，決定散嗌，選擇彈性d亦可以揀多d自己鍾意嘅嘢，上和牛牛舌必點，一碟4大塊厚切，口感爽彈。和牛肩肉，油花望落比食落多，肉香味濃，燒個3-5成已經好好食😋當然仲有和牛三筋肉（厚切），呢塊即使油脂分布完美，但同時三筋帶黎另一種口感，幾特別。重點之一嘅和牛肉眼芯，最能體現和牛油脂感嘅一個部位，油而香，溶於嘴，最滿意嘅一道肉。其他當然唔小得梅花豬，大醬湯同海鮮煎餅。