影片
更多
2023-06-16
172 浏览
好耐之前食過觀塘分店覺得幾正，今日又嚟旺角店幫襯吓～閒日晚上嚟到都幾旺場，我哋揀咗小寶套餐，主菜揀咗酸菜魚。肉類同海鮮類嘅配料可以用qr code落單，其他醬料、飲品、蔬菜、丸類同餃類嘅配料就可以喺自助區拎，乾淨企理。🥢小食-紫菜魷魚鬚、七味炸魚皮職員好快就送上小食，啲小食次次都唔同，今次呢兩款都唔錯，啱啱炸起，熱焫焫脆卜卜。🥢主菜-酸菜魚（BB辣）都幾大盤，BB辣唔會太辣，酸辣比例恰當；魚肉嫩滑冇骨，墊底嘅薯粉好入味👍🏻🥢火鍋-番茄牛肋條鍋非常推薦呢款湯底，好多牛肋條，肉質軟腍，酸酸地噉好醒胃😋食完個酸菜魚同啲牛肋條其實都幾飽吓，我哋就叫咗少少配料打邊爐。🥢安格斯牛板翼我哋encore咗兩次，牛味濃，啲牛靚過坊間同價位嘅任食火鍋。🥢脆魚鯇肉質爽脆結實，冇咩細骨。🥢鮮雞件都幾嫩滑！
好耐之前食過觀塘分店覺得幾正，今日又嚟旺角店幫襯吓～
閒日晚上嚟到都幾旺場，我哋揀咗小寶套餐，主菜揀咗酸菜魚。肉類同海鮮類嘅配料可以用qr code落單，其他醬料、飲品、蔬菜、丸類同餃類嘅配料就可以喺自助區拎，乾淨企理。
🥢小食-紫菜魷魚鬚、七味炸魚皮職員好快就送上小食，啲小食次次都唔同，今次呢兩款都唔錯，啱啱炸起，熱焫焫脆卜卜。
🥢主菜-酸菜魚（BB辣）都幾大盤，BB辣唔會太辣，酸辣比例恰當；魚肉嫩滑冇骨，墊底嘅薯粉好入味👍🏻
🥢火鍋-番茄牛肋條鍋非常推薦呢款湯底，好多牛肋條，肉質軟腍，酸酸地噉好醒胃😋食完個酸菜魚同啲牛肋條其實都幾飽吓，我哋就叫咗少少配料打邊爐。
🥢安格斯牛板翼我哋encore咗兩次，牛味濃，啲牛靚過坊間同價位嘅任食火鍋。
🥢脆魚鯇肉質爽脆結實，冇咩細骨。
🥢鮮雞件都幾嫩滑！
张贴
