波記燒臘粉麵店

营业中

休息中

星期六經過西環都知呢間燒味出名抵食，見到都有7-8個人排緊，難得黎到就照排喇。等咗大約半個鐘左右就入得。燒鴨瀨粉$35 雙拼就再加$8 (燒鴨叉燒瀨粉$43)份量都滿意，不過略嫌今次嗌既燒鴨同叉燒都偏瘦，食落冇燒味果種油脂香。如果燒鴨同叉燒可以肥小小就仲好食，瀨粉唔會太碎，正常水準。以呢個價位食燒味瀨，我覺得幾唔錯。不過要留意既係坐既位置真係唔太舒服，圓枱要同人搭枱既，我覺得最大問題係當日安排我同友人既位置係條渠隔離，條渠就充斥住大家食完既湯汁，感覺真係唔好。所以我建議住附近既不妨嗌外賣翻屋企，坐得舒服慢慢嘆。