波記燒臘粉麵店

標題可能有啲誇張😂，但的確係好味嘅。店舖細細，其實係一般嘅燒臘店舖。由於佢逢星期日及紅日休息，所以我只有放假嘅時候先至可以品嚐到。佢哋嘅燒鵝瀨粉真係好好味，首先講咗個湯底先，唔識點樣形容，比起一般嘅湯，佢係特別濃郁，雖然可能比較肥膩，但當中又帶一點油香。燒鵝肉厚，份量算多，每一碗佢都會比一啲多肉嘅部份，同埋一啲近骨嘅部份，都算balance。我哋另外嗌咗一碟例牌叉燒，佢有一半係屬於半肥瘦，雖然我怕肥，但都忍唔住食，因為實在太好味，佢個汁簡直冇得頂👍🏻。講返服務，其實我覺得都幾好，同老人家去，一時間佢哋未決定到食乜嘢，服務員都話唔使急，慢慢諗，諗到就通知我哋啦！…查看更多

係好耐無食嘅波記🥹街坊小店 有好多老人家都嚟買外賣好在嚟得早 12:20左右嚟到 輕排咗5分鐘就有得入嚕食完出嚟有啲嚇親 1點左右 就有好多個人排緊主打燒味 原來仲有雲吞同水餃燒鵝全髀瀨 $110落單5分鐘就有得食原隻燒鵝髀大大隻好肥美🥺望落去油光滿滿 食落去肉質幾有口感 加埋啲肥膏嘅油香 係幾好味如果原隻唔斬 揸住就咁食 肯定會好好好滿足🦦湯底肉味幾香濃 又帶一點甜 唔覺意就飲咗好多仲有就係唔知點解感覺上 食燒鵝就係要配瀨粉…查看更多

係呢到附近返工或返學嘅朋友仔一定有聽過呢間燒味店。 入座/等位：基本上lunch time點都要排隊㗎喇, 十二點幾黎，三個人等左五到十分鐘左右。環境：普通燒味店，唔好expect 好寬敞，但重點係食物。 食物：叫左一碗燒鴨叉燒瀨，雙拼$52。叉燒煮得有燶邊又入味， 又唔會係好乾柴。 燒鴨食落有肉地得黎仲有汁。 咁嘅質素，呢個價錢我覺得幾合理。 如果叫燒鵝呢，就會貴啲。同埋都要睇咩時段黎，有機會買曬啲脾。 咁就自己衡量啦。 總結：如果lunch 有時間，排隊黎食都唔失望嘅。佢未必係我食過最好食嘅燒味，但係間唔中都會想食嘅燒味。 …查看更多

🔥《招牌燒鵝》 每日限量供應！選用廣東黑鬃鵝，皮脆肉嫩得連骨都入味。最正係下莊，啖啖肉。。老闆好細心咁張肉同皮之間陳白色肥膏去除先至放上枱畀客人食，所以食落唔會有好油膩嘅感覺。而且老闆堅持差唔多買曬先至會入去廚房再燒製過，因為放耐咗老闆覺得品質差咗🍯《蜜汁叉燒》 堅持用脢頭肉製作，半肥瘦比例完美。蜜糖燒至焦糖化，邊緣帶微脆，咬落爆肉汁！街坊最愛要求「燶邊」版本，焦香更突出。 聽街坊講，小朋友最鍾意用呢啲叉燒汁嚟撈飯 🔥《玫瑰露油雞》 雞以玫瑰露酒+當歸等十餘種香料醃製，肉質嫩滑得離奇，蘸點蔥油薑蓉，食落先嘗到酒香！ 呢度出名嘅，其實仲有燒肉，不過要每日兩點前嚟到先有得食。。。…查看更多

波記喺呢區都應該有40年，我細細個讀書就有嚟呢度食，不過以前好似冇咁多人，咁依家啲價錢梗係貴咗好多啦。講返啲嘢食先啦，其實係一般燒臘檔，不過地方都好乾淨好企理，今日入到嚟呢我就點咗個最出名嘅燒鵝髀瀨粉，咁確實係幾好食嘅，個皮係好脆，又夠肉地，我諗同區都算好食啦，所以點解咁多人嚟。其他啲叉燒，燒肉都應該好好食，等我下次試吓先！！通常佢就貴人哋$5到啦。撞正食飯時間啊，真係要排隊嘅，不過都好快，搭枱就預咗㗎啦！…查看更多

呢間嘅一直嚟附近都無為意，但其實就想食好耐bookmark咗，有一日又去開附近點知一睇原來就對面，二話不說就衝咗入去叫咗碗叉鵝瀨，叉燒大大舊肥瘦適中，佢嘅肥唔係標油膩口嗰種，比較實但整體肉質係唔嚡有肉汁偏甜嗰種，係我鍾意食嘅，燒鵝皮薄香口呢間會再嚟食過。好似呢種細細間嘅舖頭你感受到嘅係滿滿人情味同香港人嘅溫度，當你想叫嘢食姐姐又忙緊，斬料師傅望到你就問句”阿妹食咩呀?” 有個學生應該叫開外賣，姐姐認得佢知佢就嚟考DSE叫佢飲多啲水同加油……查看更多

地道燒味老字號 🐷🦆 | 波記燒臘粉麵店講起西環燒味，唔少人都會提起波記，係區內無人不曉嘅老字號燒味舖，日日都人頭湧湧，連外賣都排長龍。今次專登嚟試佢哋嘅叉燒燒鴨瀨粉，果然無令我失望！😋📌 叉燒燒鴨瀨粉 🐷🦆🍜 $52叉燒肥瘦均勻，食落去外層微焦，蜜味香濃，肉質嫩滑，唔會太乾柴🔥燒鴨皮脆肉嫩，帶少少油脂但完全唔膩，鴨味香濃、骨肉分明，滲出滷水香💯瀨粉滑溜，湯底清而不淡，滲咗啲燒味嘅味落去，飲落去有淡淡甘甜味道，唔會過鹹🍜 嫌唔夠味仲可以加辣椒油或者醋去調味 鍾意燒味嘅朋友，呢間絕對值得一試～🥢📍 ：石塘咀皇后大道西425號地下P號舖…查看更多

燒鵝髀瀨粉味道一般，個人偏好半肥瘦，但波記燒鵝肉質較瘦和實，缺少了鵝油的那份香味，加上鵝髀直接放湯粉內，而沒有分開上，燒鵝皮浸完湯後失去應有香脆的口味。至於瀨粉，份量比較少，而且質地較軟身。始終是燒味舖，對環境和衛生的要求都不會太高，但發現牆身和窗都有好幾隻飛蟲，還是會有些微影響食慾。本身我是餓住肚之下去找食，可能太餓，會有多點期望吧～這碗燒鵝瀨令我有些失望。由於我坐在近門口位置，見到店員與街坊的互動，相信食客食的還是那份人情味吧。…查看更多

波記燒臘粉麵店📍：西環石塘咀皇后大道西425號地下P號舖🚗：香港大學地鐵B1出口 步行3分鐘💲：~HKD40-100/head for lunch Food quality✔️：燒鵝叉燒飯、燒鴨全脾瀨👌🏼：燒鴨瀨粉總結：😋屹立於西環多年嘅老字號燒臘店 港大學生無人不曉嘅平民飯堂👍🏼😋餐廳平實 格局同樓下茶記相差無幾 伙記快手落單之後都未坐暖張凳就上碟 仲要係啲燒鴨/燒鵝唔會切得甩皮甩骨 未食前畀嗰讚師父先🫡😋個人喜歡燒鵝叉燒飯多過燒鴨瀨粉 姜葱飯好食 清碟😜😋最推薦燒鴨全脾 好食 皮脆肉嫩 必試🤔燒鵝同燒鴨唔係話好正 但都係水準以上 絕對對得起價錢😎🤔有潔癖嘅朋友就未必啱 衛生就正常偏低啲 𡚒式餐廳風格🙊…查看更多

🚩地頭蟲之選 米芝蓮推介🚩📍 波記燒臘粉麵店每個區的地頭蟲都會有幾間私家收藏的隱世餐廳，而住在西環的朋友們就一定對波記不會陌生，甚至可能已成為他們的飯堂。如果你説很多米芝蓮推介的食府都是伏，那這間相信不會令你失望。🍴燒鵝脾瀨這碗瀨粉索價超過一百，但對我來說，十分值得。原隻鵝脾切件上，size夠大，對女仔來説一碗都可能夠飽。端上這碗美食時，已能嗅到濃濃的香味。即使浸在湯裡，依然能食到鵝脾的皮脆，而且肉亦嫩而多汁，能夠同時做到這兩點，我是十分欣賞的。瀨粉方面不過不失，但記緊要叫瀨粉，因為對我來說它最能跟燒鵝搭配，亦可有效帶出燒鵝的香味。…查看更多

聽過好多朋友介紹呢間波記燒臘，佢哋話叉燒好好食，門口睇到有最低消費，好彩佢話我小朋友細唔計呢個，我覺得算有人情味，叉燒俾出邊嘅唔同，我覺得啲肉比較新鮮，唔係啲硬刮刮嘅肉，女女追住係咁食。燒鴨好好彩去俾咗個脾我，都好好食，不過都係叉燒好食啲。…查看更多

28/9 下午一點半，口痕嚟波記食飯，叫咗個叉鵝飯。仲記得個幾月前嚟叫肥叉鵝，佢話冇肥叉得半肥瘦，嗰次係肥瘦啱啱好嘅，幾好食嘅。咁諗住今次知碇啦，咪講要半肥瘦叉燒囉，點知個店員（長髮女人）應都唔應我！好心你有冇都出句聲吖！好啦，碟飯嚟到。燒鵝凍嘅！！！（講緊只係下午一點半）燒鵝得塊皮肉都唔多舊！！叉燒瘦嘅乾嘅硬嘅！！！叉燒切到邊大邊細！？飯又要勁少！！收我$72？！唔止唔值仲要唔好食呢間嘢要挫一挫佢銳氣講完！…查看更多

📍西環港式粉麵 — 波記燒臘粉麵店🍜𝙒𝙝𝙖𝙩 𝙙𝙞𝙙 𝙄 𝙚𝙖𝙩 ??? (´ε｀ )🔸燒鴨全脾瀨 $55🔸叉燒瀨粉 $39✰⋆�｡:ﾟ･*☽:ﾟ･⋆�｡✰⋆�｡:ﾟ･*☽:ﾟ･⋆�｡✰⋆�｡:ﾟ･*☽喺西環有四十幾年歷史嘅老字號燒臘粉麵店🥢叉燒係半肥瘦嗰種，好好味！燒鴨皮好脆，充滿住鴨油😍鴨脾亦都係鮮嫩多汁～個人認為燒鴨脾瀨粉係必點！！🤤🍜不過如果舖頭可以唔用即棄餐具會好啲～🥹另外分量唔算好大碗～而且餐廳環境有待改善🥹賣相：🌟🌟🌟💫味道：🌟🌟🌟🌟性價比：🌟🌟🌟💫推薦度：🌟🌟🌟💫📍 波記燒臘粉麵店🔖地址：西環石塘咀皇后大道西425號P舖地舖…查看更多

燒極硬咬唔到，同個呀姐講之後聽到佢叫人俾兩嚿淋叉燒補返俾我，所以師傅擺明識睇肉嘅質素啦，即係明知部分叉燒唔掂都照俾客食。我都費事叫佢成碗換俾我，諗住食完冇下次，呀姐喺我臨走前叫我下次唔好叫叉燒，我充滿黑人問號心諗你賣嗰三四樣燒味，我淨係食油雞同叉燒仲要睇你水準做人，咁點解我唔去第二度？唔通要每次估你今日得唔得？本來我係街坊一直幫襯都覺得幾好食，有時油雞就會甜咗啲。經過呢次之後覺得衛生麻麻，唔係坐得舒服，好多時仲要排隊咁就算啦，西環大把嘢食。…查看更多

每次放lunch時間都會排晒長龍可以話係每個Hku學生都一定食過嘅餐廳！每次食燒味飯我都一定係嗌雙拼叉雞飯呢度嘅燒鵝表皮少少脆口窿邊食落好香口叉燒食過幾次都係偏肥但自己本身都好鍾意食肥叉再加埋呢度嘅蜜汁偏甜仲有燒味飯本身嘅豉油底脂肪嘅油香仲有甜味真係好夾超級邪惡真係食到停唔到口油雞都係同樣出色真係次次嚟食都咁滑！一啖肉一啖飯就咁食晒每次都停唔到口又好想食慢啲好好享受同埋最鍾意嘅喺呢度薑蓉比好多薑蓉簡直就係燒味飯嘅靈魂絕對係Hku附近最好食的餐廳之一會話咁多人排隊係有原因的自己次次嚟都係食叉雞因為食燒味就係對叉雞飯情有獨鍾但都會想試埋呢度嘅燒鵝…查看更多