波記燒臘粉麵店

标题可能有啲夸张😂，但的确系好味嘅。店舖细细，其实系一般嘅烧腊店舖。由于佢逢星期日及红日休息，所以我只有放假嘅时候先至可以品尝到。佢哋嘅烧鹅濑粉真系好好味，首先讲咗个汤底先，唔识点样形容，比起一般嘅汤，佢系特别浓郁，虽然可能比较肥腻，但当中又带一点油香。烧鹅肉厚，份量算多，每一碗佢都会比一啲多肉嘅部份，同埋一啲近骨嘅部份，都算balance。我哋另外嗌咗一碟例牌叉烧，佢有一半系属于半肥瘦，虽然我怕肥，但都忍唔住食，因为实在太好味，佢个汁简直冇得顶👍🏻。讲返服务，其实我觉得都几好，同老人家去，一时间佢哋未决定到食乜嘢，服务员都话唔使急，慢慢谂，谂到就通知我哋啦！…查看更多

系好耐无食嘅波记🥹街坊小店 有好多老人家都嚟买外卖好在嚟得早 12:20左右嚟到 轻排咗5分钟就有得入噜食完出嚟有啲吓亲 1点左右 就有好多个人排紧主打烧味 原来仲有云吞同水饺烧鹅全髀濑 $110落单5分钟就有得食原只烧鹅髀大大只好肥美🥺望落去油光满满 食落去肉质几有口感 加埋啲肥膏嘅油香 系几好味如果原只唔斩 揸住就咁食 肯定会好好好满足🦦汤底肉味几香浓 又带一点甜 唔觉意就饮咗好多仲有就系唔知点解感觉上 食烧鹅就系要配濑粉…查看更多

系呢到附近返工或返学嘅朋友仔一定有听过呢间烧味店。 入座/等位：基本上lunch time点都要排队㗎喇, 十二点几黎，三个人等左五到十分钟左右。环境：普通烧味店，唔好expect 好宽敞，但重点系食物。 食物：叫左一碗烧鸭叉烧濑，双拼$52。叉烧煮得有㶶边又入味， 又唔会系好干柴。 烧鸭食落有肉地得黎仲有汁。 咁嘅质素，呢个价钱我觉得几合理。 如果叫烧鹅呢，就会贵啲。同埋都要睇咩时段黎，有机会买晒啲脾。 咁就自己衡量啦。 总结：如果lunch 有时间，排队黎食都唔失望嘅。佢未必系我食过最好食嘅烧味，但系间唔中都会想食嘅烧味。 …查看更多

🔥《招牌烧鹅》 每日限量供应！选用广东黑鬃鹅，皮脆肉嫩得连骨都入味。最正系下庄，啖啖肉。。老板好细心咁张肉同皮之间陈白色肥膏去除先至放上枱畀客人食，所以食落唔会有好油腻嘅感觉。而且老板坚持差唔多买晒先至会入去厨房再烧制过，因为放耐咗老板觉得品质差咗🍯《蜜汁叉烧》 坚持用脢头肉制作，半肥瘦比例完美。蜜糖烧至焦糖化，边缘带微脆，咬落爆肉汁！街坊最爱要求「㶶边」版本，焦香更突出。 听街坊讲，小朋友最钟意用呢啲叉烧汁嚟捞饭 🔥《玫瑰露油鸡》 鸡以玫瑰露酒+当归等十余种香料腌制，肉质嫩滑得离奇，蘸点葱油姜蓉，食落先尝到酒香！ 呢度出名嘅，其实仲有烧肉，不过要每日两点前嚟到先有得食。。。…查看更多

波记喺呢区都应该有40年，我细细个读书就有嚟呢度食，不过以前好似冇咁多人，咁依家啲价钱梗系贵咗好多啦。讲返啲嘢食先啦，其实系一般烧腊档，不过地方都好干净好企理，今日入到嚟呢我就点咗个最出名嘅烧鹅髀濑粉，咁确实系几好食嘅，个皮系好脆，又够肉地，我谂同区都算好食啦，所以点解咁多人嚟。其他啲叉烧，烧肉都应该好好食，等我下次试吓先！！通常佢就贵人哋$5到啦。撞正食饭时间啊，真系要排队嘅，不过都好快，搭枱就预咗㗎啦！…查看更多