九爺牛腩 (佐敦道)

营业中

休息中

好耐無食過牛腩河，收工去左佐敦食九爺牛腩，呢到嘅粉麵好平，38蚊起，崩沙腩都係55蚊，性價比好高👍🏻👍🏻叫左碗牛三寶河，好大碗，有牛筋、牛腩、金錢肚，牛筋好爽口彈牙，滿滿骨膠原😍牛腩幾軟腍，唔會太多肥膏，金錢肚炆得入味同軟腍👍🏻另一碗就叫左金錢牛肚河併牛腩，呢碗就少左牛筋但就多番牛腩同金錢肚，加埋炸蒜、蔥花嘅湯河味道更豐富！鮮蝦雲吞淨食都唔錯，一碗有7粒，好大粒，餡料係滿滿嘅豬肉同蝦肉，鮮味十足！香茅雞翼就炸到好酥脆，$28有5隻，幾抵食！