潮味莊

营业中

休息中

今日一個人行經佐敦，突然烏雲密佈🌫，之後落下傾盆大雨🌧，見到前面有間 潮味莊，見到廚窗嘅鹵味，反正要避雨💧，又可食鹵鵝片，一舉兩得😆。店內一般茶餐廳格局，座位唔算多，好在空間感尚可又坐得舒適🥰。餐牌📔有鹵味，仲有湯飯、雲吞粉麵及小菜，而且價錢十分親民🥰。鹵水自選雙拼 $100鵝腸拼豬大腸，兩者都鹵得入味，鹵汁味道突出😂，鵝腸口感爽脆又有嚼勁，豬大腸質感軟腍，有陣陣油脂香味😋。鹵水鵝片(無骨) $128無骨鵝片食落啖啖肉。鵝肉🦢味香，肉質柔軟，加上邊位帶油脂的皮層，令味道更香😮‍💨。碟底仲有滑捋捋的鹵豆腐及香口的鹵花生🥰，口感豐富，相當好食😋。牛魔王飯 $65牛肚、牛筋及牛腩都炆得入味🥰，牛筋腍滑，膠質滿滿，牛肚和牛腩都夠軟腍，碟頭飯上再淋上靈魂腩汁，餸飯一流🤤。