影片
更多
2025-03-08
724 浏览
上網見到有人講呢一間餐廳，主要係食豆製品，又好似台式嘢咁，難得喺旺角有間裝修得靚又闊落嘅食肆。價錢方面多幾大眾化，叫到成枱嘢食都是不過係每人$100左右。 肉鬆蛋餅($38): 呢個係第一度上嘅菜，上菜之後我同朋友都不禁有啲驚訝，估唔到呢個價錢可以食到個賣相咁靚嘅蛋餅。而且用料好足，入邊有唔吝嗇嘅肉鬆之餘，亦都有芽菜。但係就唔會似台中嘅食物咁樣偏甜，都幾大眾化嘅味道。滷水豆腐豆卜($28): 每樣有兩舊，自己覺鍾意滷水豆腐多啲，好難得入邊都係入哂色同埋入晒味嘅，而且亦都食到有豆香味道。豉油王炒麵($26): 相比起前兩道菜，可能食到個人standard高咗，所以就冇咁驚訝，但係都食得到好香嘅鑊氣。本身覺得會多少少配菜，但係人哋都叫自己做豉油王炒麵，所以唔可以expect太多😂麻辣鹹牛肉芝士刈包($28): 又係賣相靚而且好食嘅。鹹牛肉份量多之餘，而且麻辣味較得啱啱好，反而係會令人想繼續食落去嘅味道。鐵板蛋煎腸粉($26): 上菜嘅時候呢一道菜勁靚仔，見到每一條腸粉都沾上左蛋嘅脆香，但係自己可能食慣港式嘅煎腸粉，慣咗多麻醬多甜醬多辣醬，所以就覺得呢道菜爭咁少少味。原味豆漿($12),薑汁
肉鬆蛋餅($38): 呢個係第一度上嘅菜，上菜之後我同朋友都不禁有啲驚訝，估唔到呢個價錢可以食到個賣相咁靚嘅蛋餅。而且用料好足，入邊有唔吝嗇嘅肉鬆之餘，亦都有芽菜。但係就唔會似台中嘅食物咁樣偏甜，都幾大眾化嘅味道。
滷水豆腐豆卜($28): 每樣有兩舊，自己覺鍾意滷水豆腐多啲，好難得入邊都係入哂色同埋入晒味嘅，而且亦都食到有豆香味道。
豉油王炒麵($26): 相比起前兩道菜，可能食到個人standard高咗，所以就冇咁驚訝，但係都食得到好香嘅鑊氣。本身覺得會多少少配菜，但係人哋都叫自己做豉油王炒麵，所以唔可以expect太多😂
麻辣鹹牛肉芝士刈包($28): 又係賣相靚而且好食嘅。鹹牛肉份量多之餘，而且麻辣味較得啱啱好，反而係會令人想繼續食落去嘅味道。
鐵板蛋煎腸粉($26): 上菜嘅時候呢一道菜勁靚仔，見到每一條腸粉都沾上左蛋嘅脆香，但係自己可能食慣港式嘅煎腸粉，慣咗多麻醬多甜醬多辣醬，所以就覺得呢道菜爭咁少少味。
原味豆漿($12),薑汁豆漿($22): 自己同朋友想試吓兩者嘅分別。薑汁係有嘅，但係鍾意薑嘅我覺得爭咁少少，冇薑嗰一種辣味。所以下次都可能係就咁叫原味就夠啦。
泰茶麥芽桃膠豆腐花($35):名副其實就係豆腐花上面加咗桃膠泰茶同埋麥芽，因為三樣嘢都唔算太過有味道，所以豆花嘅感覺撈埋一齊係爭少少嘅，最尾都係要靠啲黃糖去調返個味。
開心果豆腐花($42): 反而呢一個我會鍾意好多，雖然本身都係一個鍾意開心果嘅人，所以加上近排開心果嘅熱潮好多舖頭都做開心果嘅味。呢一個開心果醬做得好好，豆腐花本身冇乜味，只有豆味嘅時候呢一個開心果醬同豆腐花味就做得好好嘅平衡，感覺上層次豐富啲，真係食到開心果同埋豆腐花夾埋嘅味道。
總結：其實真係冇諗過一間小店可以做到咁樣嘅質素，，每一樣嘢都真係好用心做，即叫即整，好靚，絕對唔止呢一個價錢，喺旺角仲可以坐低係一間靚靚仔仔嘅舖頭度食，每人都只不過係$100左右，真心好抵。
张贴
