Anjappar Chettinad Indian Restaurant

营业中

休息中

一直都好鍾意印度嘅香料，突然間興起想去食印度菜，跟住就諗起呢一間係尖沙咀嘅樓上鋪啦！佢哋係有落場時間嘅，所以我哋喺佢夜晚一開市，就成為佢第一枱客人！可能餐廳啱啱開市未預備好，所以啲嘢食都等得有啲耐⌚️！然後好似仲見到對面有一隻米奇悄悄走過了🥺🥺🥺！同男朋友都嚇親！一共買咗三樣嘢一杯嘢飲同埋兩碟嘢食，總括嚟講啲味道都幾好！嗌咗依三樣嘢都唔一樣中伏！⬆️Bamboo Biryani本身佢真係係一個竹筒入邊，但係一上菜未影相，侍應就好有效率地將啲飯到晒出嚟，搞到都嚟唔切影相了嗚嗚😢個飯真係有好香嘅竹筒味，而且仲好足料！係好有咬口粒粒分明嘅long grain ❤️不過由於太濃味嘅關係可能多啲人嚟食嘅話會開心啲！如果仲有嗌其他嘢食，呢個份量應該啱三個人啦！⬆️Pudhina Murgh Tikka薄荷味嘅Chicken Tikka，略嫌啲雞肉比較乾左少少，不過勝在大大件，而且個醬真係好好食，後邊仲有薄荷醬，勁香口！仲要有勁多，我最鍾意食嘅洋蔥🧅下次開party可以試吓嗌外賣去食！hehehehe